Saıysqa qatysýǵa 200-den astam túrli mamandyq ıesi ótinish bildirgen.
Elordada «Jańa Qazaqstannyń 100 jańa esimi» respýblıkalyq baıqaýy máresine jetti, dep habarlaıdy Almaty-akshamy.kz Elorda.info-ǵa silteme jasap.
Habar24 jazýynsha, saıysqa qatysýǵa eldiń túkpir-túkpirinen 200-den astam túrli mamandyq ıesi ótinish bildirgen. Baıqaý shartyna sáıkes, árbir qatysýshy «El damýyna qosqan úlesim» taqyrybynda beınebaıan ázirledi. Osylaısha ádilqazy músheleri úzdikterdi anyqtap, júırik shyqqan 100 azamat «Jańa esim» tósbelgisi jáne birinshi dárejeli dıplom ıegeri atandy. Shara «Jańa Qazaqstan» qoǵamdyq birlestiginiń muryndyq bolýymen uıymdastyrylyp otyr.
«Bul sharanyń maqsaty – halyqtyń arasynda tanymal bolmaǵan azamattardy tanytý. Jeńimpaz atanǵandar ózderiniń maqsat murattaryn aıqyndaı alady. Ony biz qoǵamdyq negizde halyqtyń aldynda osy azamattardy tanytamyz. Konkýrsqa qatysqandardyń ishinde dárigerler, kásipkerler, jas ǵalymdar, odan basqa muǵalimder qatysyp otyr», - dedi «Jańa Qazaqstan» QB tóraǵasy Maǵjan Sadyhanuly.