Almaty mýzeıinde «Jańa Qazaqstan. Jańarý» respýblıkalyq sımpozıýmynyń kórmesiniń ashylýy ótedi.
Jobanyń uıymdastyrýshylary – Almaty qalasy mádenıet basqarmasyna qarasty «Almaty qalasy murajaılar birlestigi» KMQK jáne Qazaqstan Respýblıkasy Sýretshiler Odaǵy. Sımpozıým 2022 jyldyń 6-16 jeltoqsan aralyǵynda ótedi, dep habarlaıdy Almaty-akshamy.kz.
Jobaǵa Qazaqstannyń 14 óńirinen kelgen sýretshiler qatysady, olardyń árqaısysy joba barysynda sýretshiniń ómir boıǵy mısıasy men qyzmetiniń ereksheligi týraly oı-tolǵaýlarymen bólisedi.
Ár kezeńniń sýretshileri keskindeme nemese grafıkalyq massalarmen ártúrli jumys istep keldi. Mysaly, Renesans sýretshileri názik tásildermen jumys istep, talǵampaz bolyp keldi, HH ǵasyr qylqalamǵa qatygezdik pen dórekilik alyp keldi. Sosıalısik realızmniń sheńberinen shyqqan qazirgi qazaqstandyq sýretshiler kórkemdik massamen baqsylar sekildi jumys jasaıdy, olardyń shyǵarmalarynda Dala – jazyqtyq stılızasıasy bar. Qazaq dalasynan kórneki mańyzdy elementterin, kóshpendilerdiń fılosofıasy men qundylyqtaryn beıneleıtin grafıkalyq belgilerdi baıqaýǵa bolady. Shyǵarmashylyq jumystyń nátıjesin boljaý múmkin emes, óıtkeni nátıjeniń boljamsyzdyǵy – bul naǵyz óner men qolónerdiń aıyrmashylyqtarynyń biri.
Sımpozıýmnyń ataýyna elimizdiń saıası jańǵyrtý baǵdarlamasy, Qazaqstannyń Damý strategıasy jáne sýretshiniń qyzmetin qaıta formattaý formýlasy engizilgen. Joba aıasynda sýretshiler qazaqstandyq óner, áleýmettaný, tarıh zertteýshileriniń dáristerin tyńdap, spıkerler pikirtalasqa túsedi. Óz jumystarynda jáne pikirtalastarda sýretshiler kreatıvti sala mamandarynyń mańyzdylyǵy týraly oı qozǵaıdy.
Kórme Almaty qalasy, Qabanbaı batyr kóshesi, 132 mekenjaıynda ótedi. 15 jeltoqsan kúni saǵat 16:00 bastalyp, aǵymdaǵy jyldyń 21 jeltoqsanyna deıin jalǵasady.