6 baǵyt jáne 16 pán boıynsha jańa tıptik oqý baǵdarlamalary ázirlendi.
Bul týraly Oqý-aǵartý mınıstrliginiń baspasóz qyzmetine silteme jasap Almaty-akshamy.kz habarlaıdy.
Olardyń qatarynda pedagogıkalyq, áleýmettik-ekonomıkalyq, tehnıkalyq-tehnologıalyq, kórkemdik-tehnologıalyq, agrarlyq-tehnologıalyq, qoǵamdyq-gýmanıtarlyq baǵyttar bar.
Aqparatqa sáıkes, jańa úlgilik oqý baǵdarlamalarynda jumys berýshi talaptary men óńir erekshelikteri eskerilmek. Saǵat sany men taqyryptardyń mazmunyn 25%-ǵa deıin ózgertý kózdelgen.
Endi pánder kolej stýdentteri tańdaǵan mamandyqqa baǵdarlanǵan praktıkalyq sabaqta oqytylady.
«Jalpy bilim beretin pánderdiń oqý baǵdarlamalarynda bilim alýshylardyń yntasyn, qyzyǵýshylyǵyn arttyrýǵa múmkindik beretin beıindik baǵyt eskeriledi. Ol mamandyqqa qatysty kásibı-tanymdyq qyzyǵýshylyqtyń damýyna yqpal etedi», - dedi Tehnıkalyq jáne kásiptik bilim departamentiniń dırektory Ernat Júnisov.