Bul týraly Almaty qalasy Almaly aýdany ákiminiń orynbasary Sapar Nurashev Óńirlik komýnıkasıalar qyzmetiniń brıfıńinde málimdedi.
Ákim orynbasarynyń habarlaýynsha, aýdanda 35,9 myńnan astam oqýshyny qamtıtyn 29 memlekettik jáne 12 jekemenshik mektep bar. Búginde oqýshy oryndarynyń tapshylyǵy 1883 quraıdy. Bıyl eki mektepke 900 oryndyq japsarjaı qurylysynyń qurylysyn aıaqtaý esebinen tapshylyqty 47,7%-ǵa azaıtý josparlanýda (№34 mektep-gımnazıaǵa 600 oryndyq jáne №144 mektepke 300 oryndyq japsarjaı).
Sapar Nurashev jańa oqý jylynda 1323 oqýshyǵa materıaldyq kómek kórsetiletinin aıtty. Ár oqýshyǵa búdjetten 43 myń teńgeden (mektep formasy men kerek-jaraqtary satyp alynady) baǵyttalady.
Budan ózge, «Mektepke jol» respýblıkalyq aksıasy aıasynda aýdannyń kásiporyndary men uıymdarynyń qoldaýymen jappaı oqytý sheńberinde qamtylmaǵan 300 balaǵa kómek kórsetiletin bolady.
«Jańa oqý jylynda 1-den 4-synypqa deıin 13 559 oqýshy ystyq tamaqpen qamtylady. Halyqtyń áleýmettik osal toptarynan 5-11 synyp oqýshylary 650 adamdy tegin tamaqpen qamtıdy», - dedi S.Nurashev.
Spıkerdiń aıtýynsha, 8 tamyzdaǵy jaǵdaı boıynsha, Almaly aýdanynda 1-synypqa 3096 bala qabyldandy.
2022-2023 oqý jylynda №15 gımnazıada kúrdeli jóndeý jumystary bastalady. Qazirgi ýaqytta oqýshylardy basqa bilim berý uıymdaryna ýaqytsha bólý júrgizildi (barlyǵy – 2296 oqýshy).
Budan ári S. Nurashev aýdannyń mektepke deıingi uıymdarynda 3 jastan 6 jasqa deıingi oryn tapshylyǵy 2310 oryndy quraıtynyn aıtty. Ony azaıtý úshin birinshi jartyjyldyqta jalpy jobalyq qýaty 489 oryndyq 3 jekemenshik balabaqsha (Turǵyt Ozal kóshesi, 151 úı mekenjaıy boıynsha "Januıa-2022" bóbekjaıy, Klochkov kóshesi, 28/191 mekenjaıy boıynsha «Dara» balabaqsha jáne kishi Abaı kóshesi, 193 mekenjaıy boıynsha balabaqsha) ashyldy. Sonymen qatar, №16 bóbekjaı-balabaqshasyn seısmıkalyq nyǵaıtý maqsatyndaǵy kúrdeli jóndeý aıaqtaldy. №7 balabaqshaǵa kúrdeli jóndeý jumystary júrgizilýde.
Almaty qalasy Óńirlik komýnıkasıalar qyzmetiniń habarlamalary men materıaldarymen bólisý kezinde ÓKQ-ǵa silteme jasaý mindetti.