Almaly aýdanynyń turǵyndary 2022 jyldyń basynan beri 50 mln teńgeden astam somaǵa ataýly áleýmettik kómek aldy
Almaty qalasy Almaly aýdany ákiminiń orynbasary Sapar Nurashev ÓKQ brıfıńinde jergilikti búdjet arqyly áleýmettik jaǵdaıy tómen azamattardy áleýmettik qoldaý sharalary týraly aıtyp berdi, dep habarlaıdy Almaty-akshamy.kz.
Spıkerdiń aıtýynsha, bıyl ataýly áleýmettik kómek 209 otbasyǵa 50,8 mln teńge tólendi. 325 azamatqa 2 mln teńgege turǵyn úı kómegi kórsetildi. 1 112 qala turǵyny 7 AEK mólsherinde 23 mln teńgege áleýmettik kómek aldy.
Az qamtylǵan 730 turǵynǵa 20 AEK kóleminde 39,6 mln teńge bir rettik áleýmettik kómek kórsetildi.
Sonymen qatar, jıyrma UOS qatysýshysy men múgedekterine 6,5 AEK kóleminde – barlyǵy 1,8 mln teńge kóleminde áleýmettik kómek tólendi.
«Áleýmettik bytyrańqylyqty eńserý úshin aýdanda 1500 kóp balaly jáne az qamtylǵan otbasy tirkelgen «Baqytty otbasy» otbasyn qoldaý ortalyǵy óz qyzmetin tabysty júzege asyrýda. Ortalyq bazasynda muqtaj otbasylarǵa qaıyrymdylyq kómek kórsetý boıynsha jumystar júrgizilýde, jyl basynan beri jeke gıgıena quraldaryn, azyq-túlik jıyntyǵyn, sondaı-aq syrtqy kıimmen 498 otbasy qamtyldy», - dedi S. Nurashev.
Az qamtylǵan otbasylardan shyqqan balalardy tegin qosymsha bilimmen qamtamasyz etý úshin «Shyńǵa órleý» áleýmettik klýby jumys isteıdi (Jibek joly k-si, 135, «Asyl darıa» QQ). 2020 jyldan bastap klýb damytý sabaqtary kýrsynan ótken 480 balany qamtı otyryp, 5 oqýdy júzege asyrdy.
Búginde klýbta kún saıyn 60 bala oqıdy. Pedagogtarmen zeınetkerler, múgedektigi bar adamdar jáne kóp balaly analar qatarynan 29-y jumysqa ornalastyryldy.
Jergilikti atqarýshy organdar aýdannyń muqtaj turǵyndaryn óz isin ashýǵa yntalandyrady. Olar úshin jattyqtyrýshylarmen trenıńter, blogerlermen kezdesýler uıymdastyrady, sondaı-aq kásipkerlerdi qoldaýdyń memlekettik baǵdarlamalaryn túsindiredi, grant alý múmkindigi týraly áńgimeleıdi.
«Baqytty otbasy» ortalyǵynyń kómegimen Qoldau kásipkerlerdi qoldaý ortalyǵy arqyly memlekettik granttarǵa 8 kóp balaly otbasy qujat tapsyrdy.