Jaqsy dástúr.
Qazaqstannyń Bilim jáne ǵylym mınıstri Asqat Aımaǵambetov mektepterge ádistemelik nusqaý hatta arnaıy tapsyrma beretinin jetkizdi, dep habarlaıdy Almaty-akshamy.kz Baq.kz silteme jasap.
«Mekteptegi jaqsy dástúrdiń biri – ár apta saıyn lıneıka ótkizip, elimizdiń Memlekettik Ánuranyn aıtý. Bul da burynnan qalyptasyp kele jatqan ıgi dástúr. Biraq ony barlyq mektepte birdeı iske asyrylyp jatyr dep te aıtýǵa bolmaıdy. Sondyqtan bul máseleni bıylǵy ádistemelik nusqaý hatta jeke belgilep, osy tapsyrmany berip jatyrmyz», - dep aıtty Aımaǵambetov.
Bilim jáne ǵylym mınıstri bul máseleniń mańyzdy ekenin aıtty.
«Keshe ǵana Memlekettik rámizderimizdiń 30 jyldyq mereıtoıyn atap óttik. Balalarymyzdyń Memlekettik rámizderge qurmetpen qaraýǵa tárbıeleý, jalpy olardy bilý asa mańyzdy. Balaǵa Ánurandy aıtýǵa balabaqshadan, mektep tabaldyryǵyn attaǵan kezden bastap tárbıeleý kerek. Sondyqtan ár apta saıyn dúısenbide oqýshylar sapqa turyp, Ánurandy shyrqaý dástúri bolǵany durys. Bul jumysty da basqa da mektepterde jalǵastyrý qajet», - dep túsindirdi bas ustaz jınalysta.