«Kazaqtelekom» kompanıasy Sapa+ jobasyn jalǵastyrýda, onyń aıasynda bıylǵy jyldyń sońyna deıin 200 myń eski roýterdi aýystyrý josparlanǵan, dep habarlaıdy aqshamnews.kz
Kompanıanyń tóraǵasy Baǵdat Mýsın jobanyń alǵashqy kezeńinde qazaqstandyqtar ony kúmánmen qabyldaǵanyn, biraq qazirgi tańda mundaı másele joq ekenin jáne suranys óte kóp ekenin atap ótti.
Qazirgi ýaqytta jobanyń aıasynda elimizdiń barlyq óńirlerinde 100 myń abonenttiń eski roýterleri jańasyna aýystyryldy. Jumystar qazan aıynda bastalyp, barlyq oblys ortalyqtary men monoqalalardy qamtydy. Ár kún saıyn kompanıaǵa eski jabdyqty aýystyrý týraly júzdegen ótinish túsip jatyr. «Kazahtelekom» mamandary jańa qurylǵylar qoımalarǵa kelip túsken saıyn olardy aýystyryp jatyr.
«Shynymdy aıtsam, jobanyń alǵashqy kezeńinde kóptegen qazaqstandyqtar kúmánmen qarady jáne tipti bizdiń keńesshilerdiń roýterdi aýystyrý usynysyn qabyldamaı qoıdy. Biraq Sapa+ jobasynyń júzege asýymen jáne onyń tanymaldylyǵy artqan saıyn, qazaqstandyqtar belsendi túrde jabdyqty jańartý úshin bizge ótinish bere bastady», — dedi «Kazaqtelekom» AQ basqarma tóraǵasy Baǵdat Mýsın.
«Kazaqtelekom» abonentteri «SAPA+» jobasyna qatysý múmkindigin tekserip, jańa roýterdi ornatýǵa ótinish berý úshin telecom kz mobıldi qosymshasyn paıdalana alady. Ol úshin qosymshaǵa verıfıkasıalanǵan nómir arqyly kirip, «SAPA+» talaptaryna saı kelgender arnaıy habarlama alady. Qosymshanyń basty betinde ótinish berý úshin qosymsha túımesi de paıda bolady.