Megapolıste avtobýstar, troleıbýstar men metro 31 jeltoqsan men 4 qańtardy qosa alǵanda ádettegideı rejımde – 6:00-den 23:00-ge deıin jumys isteıdi, dep habarlaıdy Almaty-akshamy.kz
Jańa jyldyq merekege baılanysty 2022 jyldyń 1 qańtary kúni saǵat 06:00-den 09:00-ge deıin qoǵamdyq kóliktiń 50%-y jolǵa shyǵady. Odan ári qoǵamdyq kólik jumysy merekelik kestege sáıkes jalǵasady. 2,3,4 qańtar kúnderi jumys merekelik kúnder kestesine sáıkes júrgiziledi.
Iaǵnı jolaýshylar aǵyny negizinde koǵamdyq kólik sany 20 paıyzǵa qysqarady. Buǵan deıin Almatynyń komýnaldyq qyzmetteri mereke kúnderi kúsheıtilgen rejımde jumys isteıtinin habarlaǵan bolatynbyz. 31 jeltoqsan men 9 qańtar aralyǵynda jaýapty tulǵalardyń, jedel jáne jóndeý personalynyń táýlik boıy kezekshiligi uıymdastyrylady.
Mereke kúnderi qalalyq sharýashylyq obektileri men tirshilikti qamtamasyz etý júıeleriniń úzdiksiz jumys isteýin qamtamasyz etý úshin barlyq sharany qabyldaıdy.