Úkimet jańa ıpotekany sáýirdiń sońynda, mamyrdyń basynda iske qospaqshy. Bul týraly baǵdarlamanyń operatory Otbasy banki Krisha.kz-ke málim etti.
Ázirshe baǵdarlamanyń búge-shigesi aıqyndalǵan joq. Tek belgilisi: 7%-dyq mólsherleme turmysy tómen otbasylarǵa arnalǵan: mundaı sanatqa kópbalaly otbasylar, jetim balalar, múmkindigi shekteýli tulǵalar jáne t.b. Qalǵan jurtqa – 9%-dyq mólsherleme, dep habarlaıdy almaty-akshamy.kz.
Zaemnyń eń joǵarǵy kórsetkishi Almaty men Astanada – 30 mln teńge. Basqa aımaqtarda – 18 mln teńge.
Bastapqy naryqtaǵy baspanany Astana, Almaty, Shymkent jáne oblys ortalyǵynyń 17 qalasynan satyp alýǵa bolady: Aqtaý, Aqtobe, Atyraý, Qaraǵandy, Kókshetaý, Qostanaı, Qyzylorda, Qonaev, Pavlodar, Petropavl, Semeı, Jezqazǵan, Taldyqorgan, Taraz, Túrkistan, Oral, Óskemen.
Qalǵan basqa eldi mekenderden – kez kelgen baspana: bastapqy, qosalqy naryq, onyń ishinde jeke menshik úıde bar.