Memleket basshysy Joldaýda basty nazardy eńbek ónimdiligin arttyrý men tıimdilikke aýdaryp otyr. Tarıh ǵylymdarynyń doktory, profesor Bereket Káribaev osyndaı pikirde. Ol salyq júıesinde, ákimshilik retteýde de tıimdilik negiz bolatynyn qosa aıtty.
"Jańa ekonomıkalyq saıasat - jańa Qazaqstannyń damýyndaǵy mańyzdy belesti kezeń. Bul Jańa Qazaqstandaǵy alǵashqy Joldaý" dedi B.Káribaev.
Sondyqtan Prezıdent ekonomıkalyq máselelerdi basym baǵyttar dep aıqyndap otyrǵanyn tilge tıek etti.
Al QazUAZÝ profesory Aqylbek Jumageldıev Joldaýda qýantatyny, aýyl sharýashylyǵy men mal sharýashylyǵyna kóńil bólý ekenine basa mán berdi.
"Bul jerdegi basty másele mal sharýashylyǵyn damytyp jatyrmyz. Sonymen qatar ony tek shıkizat túrinde paıdalanyp qana qoımaı, ary qaraı ónimge aınaldyrý kerek" dep ǵalym ózekti máseleni alǵa tartty.
A. Jumageldıev búgingi qoǵamda kópshiligi básekege shydas bermeı jatqanyn alǵa tartyp, ónimniń sapasyn jaqsartatyn ýaqyt kelgenin basa aıtty.
"Jańa ınovasıalyq qurylǵylar men jańa ádisterdi qoldanyp jatsaq, nur ústine nur bolyp, odan da sapaly ónimder alatynymyzǵa senim mol" dep alda úlken maqsat turǵanyn jasyrmady.