Almaty ákimdiginiń ókilderi marqum Ásel Bekmuhametovanyń otbasymen kezdesti.
Osy jazda órtten zardap shekken «Aqkent» turǵyn úı kesheniniń №54 úıdegi turǵyndardyń baspanasyn aralaý kezinde Alataý aýdanynyń ákimi Azamat Qaldybekov órt kezinde qaza tapqan qyzdyń ata-anasymen sóılesti. Áseldiń ákesi onyń úlken qyzy Aıjannyń banktee alǵan 3 mln teńge kóleminde tutynýshylyq nesıesi bar ekenin habarlady. Esterińizge sala keteıik, Aıjan da balkonnan sekirip, kóp jaraqat alǵan. Qazirgi ýaqytta ol eńbekke jaramsyz. Qurylys salýshy «Ayt Nousing Complex» JSHS otbasyna qarjylaı qoldaý kórsetýge, sonymen qatar, qyzyn emdeýge 1 mln teńge bólýge ýáde berdi.
Buǵan deıin Áseldiń otbasyna materıaldyq kómek kórsetip, qurylys salýshy «Aqkent» TÚK-nen aýdany 77 sh.m. úsh bólmeli páter bergen. Sonymen qatar, Ayt Housing Complex kompanıasy marqum qyzdyń ata-anasynyń jalpy somasy 2 mln 243 myń teńge nesıesin ótegen. Nesıeni óteý qajettiligi turǵyn úıdi rásimdeýge baılanysty edi. Ári aýdandyq ákimdiktiń qoldaýhatymen qazaqstandyq bankterdiń birinde Áseldiń 1 mln 470 myń teńge mólsherinde qaryzy keshirildi.
Áseldiń aqtyq saparyna aýdan ákimdigi 700 myń teńge kóleminde qarjy bóldi, «Ayt Nousing Complex» JSHS qatymyna 1 mln teńge somasynda qarjylaı kómek kórsetti.
Qyzyl jalyn kezinde «Aqkenttiń» taǵy bir turǵyny Quraqbaeva Zýlfıanyń qyzy, Abylaı han atyndaǵy Qazaq halyqaralyq qatynastar jáne álem tilderi ýnıversıtetiniń 2 kýrs stýdenti zardap shekti. Qazir ol da eńbekke jaramsyz.
Kezdesý barysynda aýdan ákiminen Zýlfıa qyzynyń oqýyna jyl saıyn 800 myń teńge tóleýge qol ushyn sozýdy surady. Azamat Qaldybekov barlyq qajetti kómekti kórsetýge ýáde berip, qyzdyń anasynyń alǵysyna bólendi.
Aıta keteıik, «Aqkent» shaǵyn aýdanynda 2023 jyldyń tamyzynda órt shyqqan edi. 300-den astam turǵyn evakýasıalandy. Jóndeý jumystary eki aıǵa sozylyp, merziminde aıaqtaldy. 96 páterli úıdi qalpyna keltirýge Almaty ákimdiginiń qarajatynan 168 mln 400 myń teńge kóleminde qarajat bólindi. Onyń 68 mln 400 myń teńgesi turǵyndardy qonystandyrýǵa jáne qalpyna keltirý jumystaryn júrgizý kezinde jaldamaly páterlerdi jalǵa alýǵa, al 100 mln teńge «Bolashaq S qurylys» JSHS merdigerlik uıymy jasaǵan páterlerdi kosmetıkalyq jóndeýge jumsaldy.
Jóndeý jumysy barysynda 6 páterdegi eki qabatty terezesi men 18 páterdiń esigi aýystyryldy. Evakýasıalaý kezinde synǵan 4 páterdiń lodjıasyndaǵy áınekteri ornatyldy. Ári órt kezinde qıraǵan 80 páterdiń kireberis esigi jóndeldi. Adamdardyń qaýipsizdigin qamtamasyz etetin ǵımarattyń evakýasıalyq joldary tekserildi.
30 qyrkúıek taman № 54 úıdiń turǵyndary jóndeýden keıingi páterlerine oraldy. Ákimdik ókilderi atqarylǵan jumystardyń sapasyna kóz jetkizý úshin turǵyndarmen jeke-jeke kezdesti.
«Jóndeý jumystary jaqsy jasalǵan, úıimiz jyly, taza. Jaqynda jylý berildi. Jóndeýge atsalysqandardyń barlyǵyna alǵys aıtamyn», - dedi «Aqkent» TÚK 2-qabattyń turǵyny Bátıma Kójekbaeva. Páterindegi elektr kabeli tolyǵymen aýystyrylyp, qabyrǵaǵa burynǵy tusqaǵazdarǵa uqsasy jabystyryldy.
«Barlyq páterde jaǵymsyz ıis boldy. Munda ozonmen tazartý tehnologıasy qoldanyldy. Bul úıdegi órttiń ıisin ketirýge arnalǵan aýany belgili bir deńgeıde tazartý. Qazir kúıiktiń ıisi ketti, turǵyndar úılerine kirdi, barlyǵy dáni rıza», - dedi «Bolashaq S qurylys» JSHS jobasynyń basqarýshysy Sergeı Kovalóv.
Jalpy úı alańdarynyń jaı-kúıi úshin jaýapkershilikti qurylys salýshy moınyna aldy. Úıdi qalpyna keltirý úshin Ayt Housing Complex kompanıasy 300 mln teńge bóldi.
«Jalpy alańdarǵa jóndeý júrgizildi: kabelder, shahtalar, elektr pannolar qalpyna keltirilip, lıft retteldi, órt dabyly ornatyldy. Ákimdik páter ishindegi jóndeý jumystaryn júrgizdi, al biz syrttaǵy jumysty qolǵa aldyq», - dedi «Aqkent» shaǵyn aýdanynda úılerdi salǵan qurylys salýshy Ayt Housing Complex qurylys kompanıasynyń bas dırektory Qanat Eralıev.
TJD málimetinshe, Aqkent shaǵyn aýdanyndaǵy barlyq 58 úıdegi órt qaýipsizdigi tekserilip, 896 zań buzýshylyq tirkeldi. Jaýapty mekeme «AYT Facility Management» JSHS 20 qarashaǵa deıin ony joıý týraly nusqama aldy. Qazirgi kezde tıisti jumystar qolǵa alynǵan.