Shvesıanyń jańadan saılanǵan densaýlyq saqtaý mınıstri Elızabet Lann Stokgolmde ótken baspasóz konferensıasynda esinen tanyp qaldy. Shvesıalyq SVT telearnasy oqıǵanyń vıdeosyn jarıalady, - dep habarlaıdy Aqshamnews.kz tilshisi.
"Úkimettegi kadrlyq aýys-túıis tanystyrylǵan baspasóz konferensıasy barysynda jańa densaýlyq saqtaý mınıstri Elızabet Lann esinen tanyp qaldy. Osydan keıin ol zaldan shyǵaryldy", – delingen habarlamada.
Trıbýnada Lannmen birge premer-mınıstr Ýlf Krıstersson, energetıka jáne kásipkerlik mınıstri Ebba Býsh, sondaı-aq áleýmettik ister mınıstri Iakob Forsmested turǵan.
Aldyn ala málimet boıynsha, esinen tanýǵa qandaǵy qant deńgeıiniń kúrt tómendeýi sebep bolǵan. Buǵan baılanysty baspasóz konferensıasyn keıinge shegerýge týra keldi.
2020 jyly Nıderlandtyń densaýlyq saqtaý mınıstri Brýno Breıns te koronavırýs jaǵdaıyna baılanysty parlamentte ótken talqylaý kezinde esinen tanyp qalǵan edi. Onyń aıtýynsha, bul shamadan tys sharshaýdan bolǵan.
Elızabet Lann týraly ne belgili?
Elızabet Lann - Geteborg qalasynyń mýnısıpaldy keńesshisi ári «Hrıstıandyq demokratıa» partıasynyń múshesi.
Onyń aldyndaǵy mınıstr Ako Ankarberg Iýhanssonnyń tosynnan otstavkaǵa ketti.
Lann sol kúni-aq densaýlyq saqtaý mınıstri laýazymyna taǵaıyndaldy.