Alataý aýdany «Darhan» yqshamaýdanynda jańa mektep ashyldy.
Jańa mekteptiń ashylý saltanatyna Almaty qalasy ákiminiń orynbasary Ásem Núsipova, Almaty qalasy bilim basqarmasynyń basshysy Lázzat Jylqybaeva, Alataý aýdanynyń ákimi Azamat Qaldybekov, t.b. qatysty. Mektep-lıseı - bıylǵy oqý jylynda Alataý aýdanynda ashylǵan besinshi mektep.
Gúlnár MÁMBETQYZY, №210 mektep-lıseıdiń dırektory:
- Mektep qurylysy 2021 jyly bastalyp, mine, bıyl aıaqtaldy. Jańa mektep 1500 balaǵa arnalǵan. Taza qazaq tilinde bilim beremiz. Búginde mektepte 1117 oqýshy bar. Balalar №152, №156 mektepten aýysyp keldi. Muǵalimderdi arnaıy baıqaý jarıalap qabyldadyq. Mektep-lıseı bolǵandyqtan, muǵalimderge qoıylatyn talap joǵary. 76 muǵalim bar. 35 muǵalimdi baıqaý arqyly qabyldasaq, qalǵany №152, №156 mektepterden aýysyp keldi. Almaty ákimdigi balalardyń mektepke emin-erkin qatynaýy úshin arnaıy 5 avtobýs berdi. Mektepte 280 oryndy asqana bar. Búginde bastaýysh synyptardyń 309 balasy tegin tamaqtanady.
«15 jyldan beri osy aýdannyń turǵynymyn. Jańa mektep ashylǵanyna óte qýanyshtymyn. Mektep óte yńǵaıly jerde ornalasqan. İshi-syrty bári zamanaýı, balalarǵa óte yńǵaıly. Jaıly, jaryq. Kórdik. Qýandyq. Kóńilimizden shyqty», – deıdi «Darhan» yqshamaýdanynyń turǵyny Gúlshataı Ábýǵalıqyzy.