Qazaq ulttyq agrarlyq zertteý ýnıversıtetiniń bazasynda EMVA/MVA baǵdarlamasynyń resmı ashylýy oflaın/onlaın formatta bolyp ótti. Bul Qazaqstandaǵy azyq-túlik ónimderin óndirý/qaıta óńdeý, agrobıznes jáne aýyl sharýashylyǵy kásipkerligi salasynda bolashaq mamandar men kásipkerlerdi daıarlaýǵa baǵyttalǵan tuńǵysh ınovasıalyq joba.
EMBA/MBA baǵdarlamasynyń ashylý saltanatyna arnalǵan konferensıaǵa QR ASHM «Ulttyq agrarlyq ǵylymı-bilim berý ortalyǵy» KeAQ basqarma tóraǵasy Darhan Balpanov (onlaın qosyldy), QazUAZÝ basqarma tóraǵasy-rektordyń m.a., akademık Qanat Tireýov, EMVA/MVA baǵdarlamasynyń negizin qalaýshy profesor Rafıs Abazov, prorektorlar men profesor-oqytýshylar quramy, sheteldik qonaqtar – AQSH-tyń Almatydaǵy Bas konsýly Karolın Savaj hanym, BUU-nyń Qazaqstandaǵy aqparattyq keńsesiniń dırektory Vlastımıl Samek, Túrkıanyń Almatydaǵy elshiliginiń vıse-konsýly Shermın Tekın jáne taǵy basqa da jaýapty tulǵalar qatysyp, sóz sóıledi.
Budan keıin «Ulttyq agrarlyq ǵylymı-bilim berý ortalyǵy» KeAQ basqarma tóraǵasy Darhan Balpanov QR Aýyl sharýashylyǵy mınıstri Erbol Qarashókeevtiń arnaıy quttyqtaýyn jetkizdi. «Biz Qazaq ulttyq agrarlyq zertteý ýnıversıtetiniń Qazaqstanda alǵashqy bolyp EMVA/MVA baǵdarlamasyn engizý bastamasyn qoldaımyz. Bul tyń baǵdarlama stýdentterge joǵary bilim berýmen qatar, ǵylymdy damytýǵa, bıznesti jáne jalpy aýyl sharýashylyǵyn órkendetýge zor yqpal etetinine senemiz. Halyqaralyq bıznes-bilim berý naryǵynda básekege qabilettilikti arttyrýdy, álemdik tájirıbelerdi elimizde taratýdy basty maqsat tutatyn ınovasıalyq kózqarasy bar sheteldik jáne otandyq bıznes-trenerlerdiń qatysýmen júzege asyrylatyn jańa baǵdarlamaǵa aq jol tileımiz! – dedi Darhan Balpanov.
AQSH-tyń Almatydaǵy Bas konsýly Karolın Savaj hanym óz sózinde aýyl sharýashylyǵy jaqsy damyǵan shtatta týyp-óskenin jáne azyq-túlik óndirý máselesiniń álemdik deńgeıdegi problema qatarynda qaralatynyn aıta kelip, Qazaq ulttyq agrarlyq zertteý ýnıversıtetiniń EMVA/MVA aıasyndaǵy jańa bastamasy barsha agrosektordyń damýyna, osy salada keleshekte qyzmet atqaratyn bilikti mamandardyń jan-jaqty tereń bilimdi, jaqsy kadrlar bolyp shyǵýyna tikeleı jol ashatynyn atap ótip, sáttilik tiledi.