7 aıǵa uzartýǵa sanksıa berý týraly ótinishi qanaǵattandyryldy.
«Almaty spestehparkıng servıs» JSHS burynǵy dırektory Marat Prınbekov pen «AlanParking» JSHS burynǵy bas dırektory Muhtar Bazarbaevty qamaýda ustaý merzimi uzartyldy, dep habarlaıdy Almaty-akshamy.kz QazAqparatqa silteme jasap.
«Almaty mamandandyrylǵan aýdanaralyq tergeý sotynyń habarlaýynsha, 2022 jylǵy 14 qazanda sot qaýlysymen tergeý organdarynyń Prınbekovke qatysty qamaýda ustaý merzimin 15 qarashaǵa deıin 7 aıǵa uzartýǵa sanksıa berý týraly ótinishi qanaǵattandyryldy», - dep málim etti Almaty qalasy sotynyń baspasóz qyzmeti.
Sondaı-aq, qalanyń mamandandyrylǵan aýdanaralyq tergeý soty 2022 jylǵy 23 qyrkúıekte tergeý organdarynyń Bazarbaevqa qatysty qamaýda ustaý merzimin 7 aıǵa, ıaǵnı 26 qazanǵa deıin uzartýǵa sanksıa berý týraly ótinishin qanaǵattandyrǵan.
Aıyptalýshylardy qamaýda ustaý merzimi buǵan deıin de uzartylǵan bolatyn.
Eske salsaq, «Alan Parking» JSHS dırektory Muhtar Bazarbaev 14 sáýir kúni eki aıǵa qamaýǵa alyndy. «Almaty spestehparkıng servıs» JSHS dırektory Marat Prınbekov ta qamaýda otyr.
25 sáýirde «Almaty spestehparkıng servıs» JSHS-niń 70% mólsherindegi úlesin jáne «Alan Parking» JSHS-niń 100% úlesin qala menshigine qaıtarý týraly usynys túsip, aqyly avtoturaqtar qalanyń komýnaldyq menshigine óz erkimen qaıtarylǵany habarlanǵan.
Aıta keteıik, Almatyda aqyly avtoturaq júıesi alǵash ret 2016 jyly engizildi.