Air Arabia Abu Dhabi áýekompanıasynyń reısteri 1 maýsymnan bastap Qazaqstanǵa qatynaıdy, dep habarlaıdy aqshamnews.kz
Kólik mınıstriliginiń azamattyq avıasıa komıteti jazdyń birinshi kúninen bastap jańa áýe kompanıasynyń alǵashqy reısin jasaıtynyn habarlady.
"Bıyl 1 maýsymnan bastap Qazaqstannyń áýe tasymaldaý naryǵyna Birikken Arab Ámirlikteriniń "Air Arabia Abu Dhabi" jańa áýe kompanıasy kiredi. Qazaqstan men BAÁ arasynda áýe qatynasynyń ashylýy elder arasyndaǵy saýda-ekonomıkalyq, iskerlik, ınvestısıalyq, týrısik jáne mádenı yntymaqtastyqty odan ári damytýǵa yqpal etpek", - delingen resmı habarlamada.
Jańa kompanıa "Abý-Dabı – Almaty" baǵyty boıynsha aptasyna úsh ret – seısenbi, juma jáne jeksenbi kúnderi tikeleı reısterin oryndaýǵa múddeli.