TikTok onlaın-festıvaldíń qorytyndysyn jarıyalady.
TikTok #Nauryz2025 dástúrlí túrde ótetín merekelík onlaın-festıvaldíń qorytyndysyn shyǵardy. Būl shara osymen bıyl úshínshí ret ótíp otyr. Platformanyń qoldanushylary būl bastamany zor qūlshynyspen qoldady: joba ótken ekí aptanyń íshínde qazaqstandyqtar Nauryz merekesíne qalaı daıyndalyp, qalaı atap ótetíní turaly 25 myńnan astam vıdeo jarıyalaǵan. Festıval ótkízílíp kele jatqan úsh jyl íshínde qoldanushylar Nauryz merekesí turaly jalpy sany 180 myńǵa juyq vıdeo túsíríptí.
* Bıylǵy onlaın-festıval seríktester sany jónínen de rekord ornatty. Olar: QR Mádenıet jáne aqparat mınıstrlígí, QR Ǵylym jáne joǵary bílím mınıstrlígí, QR Turızm jáne sport mınıstrlígí, «Kazakh Tourism» ūlttyq kompanıyasy, Visit Shymkent, Almaty turızm byurosy jáne «Astana Tourism» turızmdí damytu ortalyǵy.
* Onlaın-festıvalge sondaı-aq Qazaqstannyń túkpír-túkpírínen 24 joǵary oqu orny qatysty.
Qysqa vıdeolar jasauǵa arnalǵan TikTok bíregeı platformasy bírneshe jyldan berí Qazaqstannyń baı mádenı mūrasyn qoldauǵa jáne nasıhattauǵa baǵyttalǵan túrlí bastamalardy júzege asyryp, qazaqstandyqtardyń ūlttyq salt-dástúr kórkemdígín búkíl álemge pash etuíne múmkíndík beríp keledí. Osyndaı bastamalardyń bírí, TikTok-ta úshínshí jyl qatarynan ótíp jatqan – Nauryz merekesíne arnalǵan onlaın-festıval. Platformanyń Qazaqstandaǵy myńdaǵan qoldanushylary kóktemníń eń jarqyn merekesín jūmyla atap óttíí.
#Nauryz2025 TikTok-ta
Bıylǵy onlaın-festıvaldí TikTok qoldanushylary qyzu qoldady: nebárí ekí apta íshínde olar #Nauryz2025 heshtegímen 25 myńnan astam vıdeo jarıyalady. Platforma qoldanushylary Nauryz merekesí turaly jan-jaqty bayandady: merekedegí dástúrler men onyń shyǵu tarıhy, ūlttyq taǵamdar ázírleu ádísín bólísíp, án áuelep, bı shalyqtaǵan merekelík sharalardan reportaj túsíríp - tól mádenıettíń kórkem beınesín aıshyqtaı tústí.
Resmı seríktesterden bólek, jobany TikTok-taǵy tanymal kreatrlar ontent da qoldady. Daryndy dombyrashy Jaqsy @zhakso_ "Qamajaı" ánín erekshe óńdep oryndady, al @ult_kazynasy bílím beru jobasyna qatysushylar Nauryz merekesíne qatysty qyzyqty derekterdí bólístí. Aspazdyq kontent jasaıtyn kreator Sanıya @saniya_sagiimbaeva keremet bezendírílgen ūlttyq taǵamdar ázírlese, sayahatshy kreator Aset @travelove100 qoldanushylarǵa merekelík kóńíl-kúı syılady.
Sonymen qatar, TikTok alǵash ret eldíń írí qalalary: Astana, Almaty jáne Shymkenttegí merekelík ís-sharalar ótken alańdarda arnaıy ınteraktıv oryndar ázírledí. Būl oryndar osy qalalardaǵy myńdaǵan tūrǵyndary men qonaqtardyń kózaıymyna aınaldy.
Merekelík dastarhan
Tamaq - festıvaldíń basty taqyryptarynyń bírí boldy. Qoldanushylar qonaqtarǵa jaıylǵan dastarhandy kórsetíp, nauryz-kóje, quyrdaq jáne túrlí táttílerdíń daıyndalu jolyn kórsettí. Naǵyz aspazdar saıysyna qatysyp, Qazaqstandaǵy túrlí aspazdyq mádenıettí qalaı ūshtastyruǵa bolatyny turaly ázíldestí. Sondaı-aq ūlttyq taǵam ūsynatyn mekemelerge sholu jasap, áraluan tkontent ūsyndy.
Ūlttyq muzyka jáne bı
Mereke kezínde TikTok-ta ūlttyq áuender áueledí. Dombyra trendke aınaldy: dombyrada sheber oınaıtyn qoldanushylar ónerín pash etíp, dástúrlí jáne zamanauı tuyndylarǵa kaver tartty. Sondaı-aq ūlttyq kıím kıíp, bı bıleu de TikTok lentasyn jaulady. Ásírese Saya Mahambettíń "Qazaǵymsyń" áníne bıleu – jeke trendke aınaldy. Qoldanushylar būl ánge úıde, dostarymen, otbasymen bírge bılep, típtí ándí skrıpkamen de súıemeldep kórdí.
Zamanauı jáne dástúrlí sán óneríníń úılesímí
Festıvaldíń eń eleulí trendí - ūlttyq sán óneríne jáne ony qazír zamanǵa beıímdeuge degen aınymas qyzyǵushylyq boldy. Qoldanushylar ūlttyq kıímderdí jańǵyrtyp, zamanǵa saı ınterpretatsıyada ūsyndy. Típtí olar mereke kúní betteríne oyu-órnektermen makıyaj jasap, ūrpaqtar jalǵastyǵy men mádenı mūraǵa osylaı da qūrmet kórsettí.
«Qazaqstan Respublıkasynyń Mádenıet jáne aqparat mınıstrlígí TikTok platformasynyń jyl saıynǵy #Nauryz2025 onlaın-festıvalín ótkízu bastamasyn qūptaıdy. Būl bastama ūlttyq dástúrler men mádenı qūndylyqtardy qadyń kópshílíkke, ásírese jastarǵa nasıhattauǵa yqpal etedí. Bíz tsıfrlyq platformalardyń materıaldyq emes mádenı mūrany saqtau men ílgeríletuge qosqan úlesín joǵary baǵalaımyz. Nauryzdyń tarıhyna, merekelík dástúrlerge shynaıy qyzyǵushylyq tanytqan qazaqstandyq qoldanushylardyń belsendílígí ūrpaqtar arasyndaǵy sabaqtastyq pen ūlttyq bíregeılíktí saqtauǵa degen zamanǵa saı ūmtylysty kórsetedí. Mūndaı bastamalar eldíń mádenı tūtastyǵyn nyǵaıtyp, kreatıvtí ındustrıyanyń damuyna septígín tıgízetíníne senímdímíz», dep atap óttí Qazaqstan Respublıkasynyń Mádenıet jáne aqparat mınıstrlígí.
Merekelík ís-sharalar
TikTok platformasy Astanadan Shymkentke, Aqtaudan Almatyǵa deıín, elímízdíń túkpír-túkpíríndegí qalalar men auyldarda ótken merekelík ís-sharalardan túsírílgen jarqyn kórínísterge toldy. Kóktemníń eń kórkem merekesín atap ótu úshín mıllıondaǵan adam kóshege shyǵyp, ūlttyq taǵamdardan dám tatyp, túrlí oıyn-sauyq sharalaryna qatysyp, merekelík kóńíl kúılerín TikTok - ta bólístí. Rekord ta tírkeldí: Kókshetauda 1600 áıel kımeshek kıíp, áserlí sheru ótkízdí. Al Aqtauda 5 myńnan astam adam ūlttyq kıímmen Kaspıı teńízíníń jaǵalauyna jınalyp, salt-dástúrge degen qūrmettí pash ettí.
Studentterdíń shyǵarmashylyǵy
Bıyl – qazaqstandyq joǵary oqu oryndarynyń studentterí men oqytushylary erekshe belsendílík tanytty. Olar ūlttyq kıím kıíp, qoıylymdarǵa qatysyp, dastarhan jaıyp, JOO qabyrǵasynda Nauryz qalaı toılanatynyn kórsettí. Jalpy, #Nauryz2025 onlaın-festıvalíne Qazaqstannyń 24 joǵary oqu orny qatysty. Mysaly, Almaty Management University-de ūlttyq kıím úlgílerí kórsetílse, Narxoz University studentterí bı trendíne qosyldy, Nazarbayev University-de dombyramen kúı sherttí, al ZhanibekovUniversity studentterí merekelík sharalardyń vıdeolaryn bólístí.
«Qazaqstandyq joǵary oqu oryndarynyń #Nauryz2025 onlaın-festıvalíne qatysuy – zamanauı tsıfrlyq platformalardyń bílím beru úrdísín tıímdí túrde tolyqtyra otyryp, studentterdíń mádenı mūrany saqtau men nasıhattauyna atsalysa alatynyn kórsettí. Jastardyń ūlt dástúríní kreatıv, muzyka, sán jáne óner arqyly zor shabytpen pash etuí bízdí quantady – būl zerderí árí mádenı tūrǵyda ornyqqan tūlǵany qalyptastyruǵa baǵyttalǵan mańyzdy qadam. Bílím, shyǵarmashylyq pen ūlttyq qūndylyqtardy ūshtastyratyn osyndaı bastamalardy mınıstrlík aldaǵy uaqytta da qoldaı bermek», – dep atap óttí QR Ǵylym jáne joǵary bílím vıtse-mınıstrí Dınara Rınatqyzy Shcheglova.
Óner men dástúr
TikTok-taǵy suretshíler men qolóner sheberlerí óz shyǵarmalaryn Nauryz merekesíne arnady. Qazaq mádenıetínen shabyt alǵan bíríp ony kartınaǵa aınaldyrsa, taǵy bírí kílemge suret salyp, típtí bírí qoldan shaǵyn kıíz úı de jasap kórsettí.
Nauryz – otbasylyq mereke retínde
TikTok qoldanushylary súıíktí merekení otbasymen bírge qalaı atap ótetínín bólístí, al taǵy bírí úshín būl – alǵashqy Nauryz toıy boldy. Merekege dárígerler, keńse qyzmetkerlerí, polıtsıya ókílderí sıyaqty túrlí kásíp ıelerí de belsene atsalysty. Típtí úı januarlary da atsalysty.
«Búgínde bíz sheteldík turısterdíń qazaq mádenıetíne, ashanasyna, salt-dástúrí men ómír saltyna degen ūdaıy qyzyǵushylyǵyn baıqap otyrmyz. Sayahatshylar kóbíne-kóp tereń de maǵynaly dúnıeler ízdeıdí — olar naǵyz ūlttyq mūrany tanyp-bílgísí keledí. Osy tūrǵyda jastarǵa jáne jalpy qoǵamǵa qazaqtyń baı dástúrín zamanauı tsıfrlyq platformalar arqyly kórsetuge múmkíndík beretín bastamalardyń rólí erekshe. Būl protseske jastardyń belsendí túrde aralasuy - asa mańyzdy», — dedí Kazakh Tourism basshysy Qaırat Sadvaqasov.
«Sońǵy úsh jylda Nauryz merekesíne oraı onlaın-festıval ótkízuge úles qosqanymyzdy maqtan etemíz. Osy uaqyt aralyǵynda Qazaqstannyń túkpír-túkpíríndegí qoldanushylar ūlttyq merekege oraı 180 myńǵa juyq beınerolık túsíríp, ózderín osynau írí mádenı sharanyń bír bólshegí sezíníp, óz halqynyń mádenıe mūrasyn bír-bíríne ǵana emes, búkíl álemdegí TikTok qoldanushylaryna pash ete aldy. Mūndaı nátıje bízge zor shabyt syılady jáne bíz Qazaqstannyń ūlttyq mádenıetímen qatar, elímízdíń búkíl óńíríndegí qoldanushylardyń shyǵarmashylyq ruhyna qoldau kórsetudí jalǵastyra beremíz»- dep atap óttí TikTok-tyń Shyǵys Europa jáne Ortalyq Azıya boıynsha operatsıyalyq bólímíníń basshysy Melıs Chaglar
Nauryz merekesí turaly 180 myń vıdeo
