«QTJ» UK» AQ málimetinshe, 2024 jylǵy qyrkúıekten 2025 jylǵy sáýirge deıingi aralyqta jańa astyq ónimi eksporty 7,6 mln tonnany qurady.
Bul — ótken jylǵy osy kezeńmen salystyrǵanda 58%-ǵa artyq (4,8 mln tonna), dep habarlaıdy aqshamnews.kz.
Eksport kóleminiń artýy qazaqstandyq astyqqa syrtqy naryqtaǵy joǵary suranysty, sondaı-aq jetkizý geografıasynyń keńeıip, logıstıkalyq baǵyttardyń tıimdi jetildirilip jatqanyn kórsetedi.
Eksporttyń negizgi baǵyttary jáne ósim qarqyny: Ózbekstan — 2,7 mln tonna (+29,7%, 2023 jylǵy 2 mln tonnamen salystyrǵanda); Tájikstan — 1,1 mln tonna (+51%, 726 myń tonnamen salystyrǵanda); Aýǵanstan — 270 myń tonna (+34%, 202 myń tonnamen salystyrǵanda); Qyrǵyzstan — 181 myń tonna (eki ese artty); Iran — 889 myń tonna (2023 jylǵy 54 myń tonnamen salystyrǵanda 16,4 ese ósti); Ázerbaıjan — 569 myń tonna (5 myń tonnadan 113,8 ese ósti).
QR Aýyl sharýashylyǵy mınıstrligi agroónerkásiptik keshenniń eksporttyq áleýetin damytý jáne qoldaý jumystaryn jalǵastyrýda.