Mundaı sheshim tilsiz jaýdyń aldyn alýdy kózdeıdi.
Jambyl oblysynda 1 maýsymnan 20 qyrkúıekke deıin turǵyndardyń ormanǵa barýyna tyıym salynady, dep habarlaıdy Almaty-akshamy.kz QazAqparatqa silteme jasap.
«Ormanda órt qaýpi joǵary bolyp turǵan kezeńde (jyl saıyn 1 maýsymnan 20 qyrkúıekke deıin) jeke tulǵalardyń memlekettik orman qory aýmaǵynda bolýyna tyıym salynsyn. Osy qaýlynyń oryndalýyn baqylaý oblys ákiminiń jetekshilik etetin orynbasaryna júktelsin», - delingen oblys ákimi Nurjan Nurjigitov qol qoıǵan qaýlyda.
Ákimdik saıtynda jarıalanǵan qujatat kórsetilgendeı, bul shekteý orman órtiniń aldyn alý maqsatynda engizilgen.
Taıaýda osyndaı tyıym salý sharasy Qostanaı oblysynda da qabyldandy.
Byltyr atalǵan óńirge qarasty Áýlıekól aýdanyndaǵy ormanda alapat órt boldy.
Birneshe aptaǵa jalǵasqan tilsiz jaý saldarynan 2 091 adam evakýasıalanyp, 12 turǵyn túrli jaraqat aldy. Sonymen qatar, bir azamat kóz jumdy.