Oqýshylardyń ónertabysy «Ekinshi júrek» dep atalady.
Atalǵan saǵat ınsýlt, ınfarkt jáne taǵy da basqa talma aýrýlary bar naýqastarǵa arnalǵan, dep habarlaıdy Almaty-akshamy.kz
QR Oqý-aǵartý mınıstrliginiń habarlaýynsha, saǵat ıesiniń júrek soǵysy men qan qysymyn baqylaýda ustap, adam ómirine qaýip tóngen jaǵdaıda belgi beredi. Bul aqyldy saǵatty Daryndy balalarǵa arnalǵan Jambyl oblystyq mamandandyrylǵan lıseıdiń 9-synyp oqýshysy Dýlat Isabek pen 8-synyp oqýshysy Adıa Tursynbaı oılap tapqan.
Saǵatqa dene temperatýrasyn, qandaǵy ottegi paıyzyn, júrek qaǵysyn baqylap turý fýnksıalary engizilgen. Sondaı-aq, bul qurylǵy naýqas qulap, qozǵalyssyz qalǵan jaǵdaıda týysyna nemese jedel járdemge dabyl jiberedi. Eń bastysy, naýqastyń meken-jaıyn, jatqan jerin naqty kórsetedi.
«Naýqastarǵa túrli sebeptermen alǵashqy kómek ýaqytynan kesh berilip jatatyn kezder bolady. Osyndaı jaǵdaılardyń aldyn alý úshin osy saǵatty oılap taptyq», - deıdi jas ónertapqysh Dýlat Isabek.
Oqýshylardyń ónertabysyn synap kórý úshin kardıolog pen pasıentterdiń portatıvti apparatpen dınamıkalyq baqylaýy júrgizildi. Dýlat pen Adıa aldaǵy ýaqytta saǵatty adamdardyń únemi taǵyp júrýine yńǵaıly etip jasaý joldaryn qarastyrýda.