Shyǵys Qazaqstan oblysynyń Tarbaǵataı aýdanynda ornalasqan Jalǵyztal aýylynyń turǵyndary tolyqtaı spırttik ishimdikterden bas tarty. Osylaısha 150 adam turatyn jáne 30 úıden quralǵan bul aýyl resmı túrde «alkogólsiz aýyl» mártebesin aldy. Bul sheshim quqyq buzýshylyqtardyń aldyn alý, qoǵamdyq tártipti nyǵaıtý jáne salaýatty ómir saltyn nasıhattaý maqsatynda qabyldanǵan sharalardyń bir bóligi bolyp tabylady, dep habarlaıdy aqshamnews.kz
Jalpy, bul qadam áleýmettik jaǵdaıdy jaqsartýǵa jáne aýyldaǵy tynyshtyqty saqtaýǵa baǵyttalǵan.
Quqyq qorǵaý organdarynyń derekteri boıynsha, sońǵy úsh jyl ishinde Jalǵyztal aýylynda birde-bir qylmys tirkelmegen. Polısıa ókilderi aýyl turǵyndarynyń bastamasyn qoldap, alkogóldiń kóp jaǵdaıda turmystyq janjaldar men basqa da qylmystarǵa sebepker bolyp jatatynyn atap ótýde.
Jalǵyztal aýyly Shyǵys Qazaqstan oblysyndaǵy alkogólden bas tartqan altynshy eldi meken boldy. Aýyl turǵyndary bul qadamdy tynysh ári deni saý ómirge jasalǵan mańyzdy qadam retinde baǵalaıdy jáne ózderiniń úlgisi basqa qazaqstandyqtardy da osy bastamany qoldaýǵa shaqyrady.