Jalǵan qujat 5 000-nan 30 000 teńge aralyǵynda saýdalanǵan.
Qarjylyq monıtorıń agenttiginiń qyzmetkerleri Almaty, Shymkent, Aqtóbe, Pavlodar jáne Taraz qalalarynda jalǵan vaksına pasportyn satqandardy anyqtady, dep habarlaıdy Almaty-akshamy.kz atalǵan agenttiktiń Telegram-kanalyna silteme jasap.
Atalǵan faktilerge sáıkes, Qylmystyq kodekstiń 385-babynda kózdelgen qylmystyq quqyq buzýshylyq quramynyń belgileri, ıaǵnı jalǵan qujat jasaý boıynsha sotqa deıingi tergeý bastaldy.
Qazirgi ýaqytta jalǵan vaksına pasporty berilgen 37 azamat, sondaı-aq, jalǵan qujat jasaýǵa qatysy bar 12 adam, onyń ishinde 8 medısına qyzmetkeri anyqtaldy.
Basqa kúdikti tulǵalardy anyqtaý boıynsha jedel-tergeý sharalary jalǵasýda.
Qarjylyq monıtorıń agenttigi azamattarǵa jalǵan vaksına pasporttaryn paıdalanǵany úshin 160 AEK (467 myń teńge) mólsherinde aıyppul salynatynyn nemese sol mólsherde túzeý jumystary ne 160 saǵatqa deıingi merzimge qoǵamdyq jumystar bolmasa 40 táýlikke deıin qamaýǵa alynatynyn eske salady. Pasportty tikeleı qoldan jasaǵan adamdarǵa, onyń ishinde medısına qyzmetkerlerine qatań jaza qarastyrylǵan. Olarǵa 2000 AEK (5,8 mıllıon teńge) mólsherinde aıyppul salynady nemese 600 saǵatqa deıingi merzimge qoǵamdyq jumystarǵa tartylady nemese 2 jylǵa deıin bas bostandyǵynan aıyrylmaq.