«Iota» buryn vırýs juqtyrǵan adamdardyń 10%-nyń ımýnıtetin aınalyp ótti.
Nú -Iorktiń densaýlyq saqtaý jáne psıhıkalyq gıgıena departamentiniń jáne Kolýmbıa ýnıversıteti qoǵamdyq densaýlyq saqtaý mektebiniń epıdemıologıa bóliminiń ǵalymdar toby Nú-Iorkte tabylǵan «ıota» koronavırýsynyń shtamy egde jastaǵy adamdardyń ólimin 82%-ǵa arttyratynyn anyqtady, dep habarlaıdy Almaty-akshamy.kz «Vedomostı» basylymyna silteme jasap.
"Iota" shtamyn Dúnıejúzilik densaýlyq saqtaý uıymy (DDU) men AQSH aýrýlardy baqylaý jáne aldyn alý ortalyqtary (CDC) «qyzyǵýshylyq nusqasy» retinde taldaǵan.
Zertteý úshin ǵalymdar Nú-Iorkte jınalǵan toǵyz epıdemıologıalyq jáne popýlásıalyq derekter jıyntyǵyn, sondaı-aq «ıota» shtamynyń ótkizgishtiginiń, ımýndyq potensıalynyń jáne ólim qaýpiniń ózgerýin baǵalaý úshin kúrdeli modeldeýdi qoldandy.
Ǵalymdar bul shtamnyń juǵý jyldamdyǵy aldyńǵy nusqalaryna qaraǵanda 15-25% joǵary ekenin anyqtady. "Iota" buryn vırýs juqtyrǵan adamdardyń 10% ımýnıtetin aınalyp ótti. Sondaı-aq, osy shtamnyń kesirinen eresekter arasynda ólim-jitim kóbeıdi. Naqty aıtqanda, ólim kórsetkishi 45-64 jastaǵy adamdar arasynda 46%-ǵa, 65-74 jastaǵylar arasynda 82%-ǵa jáne 75 jastan asqan adamdarda 62%-ǵa artqan.
Atalǵan shtamm ótken jyldyń qarasha aıynda Nú-Iorkte anyqtalǵan.