Almatyda uıymdasqan qylmystyq toptyń bes múshesi qarajattardy «qolma-qol aqsha túrinde shyǵaryp berýmen» jáne jalǵan shot-faktýralardy jazýmen aınalysqan. Osy fakti boıynsha sotqa deıingi tergep-tekserýdi Qarjylyq monıtorıń agenttiginiń Almaty qalasy boıynsha departamenti aıaqtady, dep habarlaıdy almaty-akshamy.kz baspasóz qyzmetine silteme jasap.
Anyqtalǵandaı, uıymdasqan qylmystyq top músheleri mekemelerge ekinshi deńgeıli bank shottarynan júıeli túrde qarajattardy zańsyz qolma-qol aqsha túrinde shyǵaryp berip otyrǵan. Iaǵnı olar óz baqylaýyndaǵy 17 komersıalyq kompanıa arqyly 5 mlrd teńgeden astam somaǵa komersıalyq uıymdarǵa qurylys-montaj jumystary, kólik qyzmetteri jáne halyq tutynatyn taýarlardy jóneltý boıynsha qyzmet kórsetýge jalǵan shot-faktýralar jazyp berý arqyly mekemelerdiń salyq tóleýden jaltarýyna kómektesken.
Qylmystyq top uıymdastyrýshylary «bir kúndik fırmalardy» jaqyn týystary men tanystarynyń attaryna tirkegen.
Sot úkimimen bes aıyptalýshy kináli dep tanylyp, 2 jyldan 7 jylǵa deıin bas bostandyǵynan aıyryldy.
«QMA «kóleńkeli» ekonomıkanyń úlesin azaıtý jáne adal kásipkerlik sýbektileriniń quqyqtary men múddelerin qorǵaýdy qamtamasyz etý boıynsha jumysty turaqty túrde jalǵastyratyn bolady. Eger siz ókilettikterdi teris paıdalaný, qarajatty jymqyrý nemese basqa da ekonomıkalyq quqyq buzýshylyqtar faktileri jaıly bilseńiz, «(https://t.me/afm_insider_bot)AFM Insider (https://t.me/afm_insider_bot)» (https://t.me/afm_insider_bot) telegram botyna habarlaýyńyzdy suraımyz. Anonımdilikke kepildik beriledi»,-delingen habarlamada.