Olarǵa 5 jyldan 5,5 jylǵa deıin bas bostandyǵynan aıyrý jazasy taǵaıyndaldy, dep habarlaıdy aqshamnews.kz.
Aıyptalýshylar iri kólemdegi jalǵan 100 dollarlyq kýpúralardy ótkizbek bolǵan.
Atalǵan tulǵalar baqylamaly satyp alý barysyndaǵy jalǵan kýpúralardy ótkizý áreketi kezinde ustalǵan.
«Jalǵan aqsha jasaýshylardyń qurbany bolmas úshin jaqsy baǵam boıynsha aıyrbastaýdy usynsa da, beıtanys adamdarǵa aqsha aıyrbastamańyz jáne valútany «deldaldardan» satyp almańyz. Osylaısha, Qarjylyq monıtorıń agenttigi Almatyda iri kólemdegi jalǵan 100 dollarlyq kýpúralardy ótkizý faktisin anyqtady. Atalǵan tulǵalar baqylamaly satyp alý barysyndaǵy jalǵan kýpúralardy ótkizý áreketi kezinde ustaldy», - delingen habarlamada.
Almatynyń eki turǵyny krıptovalúta satyp alý jeleýimen jalpy somasy 32 700 AQSH dollaryn quraıtyn jalǵan sheteldik kýpúrany birneshe ret satqan. Sot úkimimen istiń eki qatysýshysy kináli dep tanylyp, olarǵa 5 jyldan 5,5 jylǵa deıingi merzimge bas bostandyǵynan aıyrý jazasy taǵaıyndalǵan.
«Agenttikpen jyl basynan beri Qazaqstan aýmaǵynda aınalymnan 1 060 jalǵan banknot tárkilendi, onyń ishinde ulttyq valútada 647 100 teńge somasyna 141 kýpúra, 90 400 AQSH dollaryna 905 kýpúra, 2 000 eýroǵa 4 kýpúra, 1 000 ıýán somasyna 10 kýpúra anyqtaldy. Tárkilengen jalǵan banknottardyń jalpy quny 43 mln teńgeden asady. Jalpy, aǵymdaǵy jyly jalǵan kýpúralardy jasap, ótkizgeni úshin 8 adam 5 jyldan 6 jylǵa deıingi merzimge bas bostandyǵynan aıyryldy», - deıdi QMA.