Almaty ákimi Erbolat Dosaev AQSH-tyń bıznes-mıssıa delegasıasymen kezdesti
Almaty ákimi Erbolat Dosaev AQSH Saýda palatasynyń Taıaý Shyǵys, Túrkıa jáne Ortalyq Azıa isteri jónindegi aǵa vıse-prezıdenti Kýsh Choksı myrza bastaǵan AQSH bıznes-mıssıa delegasıasymen kezdesti, dep habarlaıdy aqshamnews.kz
Chevron Corporation, Citibank, Global Data Risk, John Deere, Mayer Brown, Wolt, Medtronic, VISA jáne t.b. iri halyqaralyq kompanıa ókilderiniń qatysýymen ótken kezdesýde saýda-ekonomıkalyq, ınvestısıalyq jáne ınovasıalyq salalardaǵy ekijaqty yntymaqtastyqtyń negizgi aspektileri talqylandy.
Qala basshysy azyq-túlik óndirisi, sıfrlyq tehnologıa, qarjy qyzmeti, týrızm jáne qyzmet kórsetý syndy kóptegen salany qamtıtyn AQSH-pen strategıalyq seriktestiktiń mańyzdylyǵyn atap ótti. 2024 jyly Almaty men AQSH arasyndaǵy taýar aınalymy shamamen 680 mln. AQSH dollary boldy. Qazir qalada amerıkalyq kapıtaldyń qatysýymen 343 kásiporyn jumys isteıdi, bul saýda baılanysyn odan ári keńeıtýge septigin tıgizedi.
Kezdesýde talqylanǵan mańyzdy taqyryptyń biri qalanyń ınfraqurylymy men logıstıkalyq múmkindikterin damytý, sondaı-aq Almaty men Nú-Iork arasyndaǵy tikeleı áýe reısterin ashý arqyly elder arasyndaǵy ekonomıkalyq jáne mádenı baılanysty nyǵaıtýdyń mańyzdylyǵy sóz boldy.
Kezdesý sońynda Erbolat Dosaev barlyq qatysýshyǵa alǵys bildirip, ekijaqty yntymaqtastyqtyń odan ári tabysty damıtynyna senim bildirdi.