Qazaqstan jaıylym jerleriniń kólemi boıynsha álemde besinshi orynda.
184 mln gektar alqap malǵa qolaıly. Alaıda aýyl halqy malyn baǵar jer tappaı júr. Osy máseleni sheshý úshin májilis jaıylym jerler týraly zań jobasyn qarap, maquldady, dep habarlaıdy Almaty-akshamy.kz
Jańa qujatta Jaıylymdardy konkýrssyz berý normasy alynyp tastaldy. Jer resýrstaryn basqarý komıtetiniń málimetteri boıynsha buǵan deıin 2 mıllıon gektardan astam alqap jeke jáne zańdy tulǵalarǵa konkýrssyz berilgen. Eldimekenniń aınalasyndaǵy aýyl turǵyndarynyń malyn jaıýǵa arnalǵan jerlerdiń mártebesin nyǵaıtý úshin kópshilik paıdalanatyn jaıylymdar degen jeke uǵym engizildi. Zań jobasyn qaraý barysynda 200-den asa usynystar tústi, 72-si qabyldandy.
«Engizilip otyrǵan ózgerister turǵyndardyń qajettiligine qaraı jaıylymdardyń jetispeýshilikti máselelerin sheshýge yqpal etedi. Paıdalanylmaı jatqan telimderdi qaıtarý boıynsha jumystardy kúsheıtedi. Sondaı-aq, jerdi berý jáne paıdalaný tártibi boıynsha jergilikti turǵyndarǵa sheshim qabyldaý úderisine tartýǵa múmkindik beredi. Osy saladaǵy sybaılas jemqorlyqty azaıtady», - dedi QR Parlamenti Májilisiniń depýtaty Nurjan Áshimbetov.