«Halyq qatysatyn búdjet» baǵdarlamasyn iske asyrýǵa barlyǵy 2,7 mlrd. teńge bólindi.
Búgingi tańda 25 joba aıaqtalyp, baǵdarlamanyń birinshi kezeńiniń 21 jobasy iske asyrylýda, oǵan 1,8 mlrd teńge bólindi, dep habarlaıdy Almaty-akshamy.kz
«Halyq qatysatyn búdjet» baǵdarlamasy boıynsha salynǵan Aqjar shaǵyn aýdanynyń Sanatornaıa kóshesiniń boıyndaǵy qoǵamdyq keńestik (77 mln. teńge) jaqsy kórsetkish bolyp tabylady. Buryn bul jer qaraýsyz qalǵan bos jer bolǵan, al endi jergilikti turǵyndar demalyp, áńgimelesip, sportpen shuǵyldana alatyn, eń úzdik standarttarǵa sáıkes keletin orynǵa ıe boldy.
Atalǵan baǵdarlamany iske asyrýdaǵy oń tájirıbeni eskere otyryp, Naýryzbaı aýdanyna 16 jańa jobaǵa bıyl qosymsha 875 mln. teńge bólindi, jobalar osy jyldyń qarasha aıynda aıaqtalady.
Anyqtama úshin: 1 joba – jerasty ótkelderin aǵymdaǵy jóndeý, 2 joba – balalar oıyn alańdaryn salý, 4 joba - jaıaý júrginshiler-kólik jelisin uıymdastyrý jáne salý, 9 joba - jaıaý júrginshiler-serýendeý aımaqtaryn abattandyrý jáne kógaldandyrý.
Qarasha aıyna deıin aýdandaǵy 3 jerasty jaıaý júrginshi ótkeli aǵymdaǵy jóndeýden ótip, jaryqtandyrý aspaptary tolyq boıalyp, jóndeledi.
Búgingi tańda 1000 m aryq jelisin salý, ári rekonstrýksıalaý, 781 m sý burý arnasyn salý, sondaı-aq 600 m Oıjaılaý ózeniniń jaǵalaýyn kúsheıtý arqyly tótenshe jaǵdaı jelisi boıynsha sý basatyn 6 ýchaske joıyldy.
Sondaı-aq Almaty qalasynyń batys bóliginde jalpy uzyndyǵy 30 km bolatyn 34 kóshede aryq jelisi men nóser kanalızasıasyn salý jáne rekonstrýksıalaý jobasyn iske asyrý sheńberinde uzyndyǵy 7 km bolatyn 6 ýchaskede jumystar júrgizilýde. Aıaqtalý merzimi - 2024 jyldyń sońy.
Osy jyldyń qyrkúıek aıynda Qarǵaly ózeniniń jaǵalaýyn kóriktendire otyryp abattandyrý, syrtqy jaryqtandyrý jelilerin, balalar sport alańdaryn ornatý jáne bógetten Jandosov kóshesine deıin uzyndyǵy 7,7 km bolatyn qoǵamdyq keńistikti jaılastyrý jumystaryn bastaýdy josparlap otyrmyz. Joba ázirlenip, qarajat bólindi (746 mln. teńge). 2024 jyldyń shilde aıynyń sońyna deıin aıaqtaımyz.
Jasyl jelekterdi tıisinshe kútip-baptaý maqsatynda 3 ýchaskede (Aqjar shaǵyn aýdany men Alataý dańǵylyndaǵy 2 skver) osy jyldyń qyrkúıek aıynyń sońyna deıin uzyndyǵy 4 km bolatyn avtomattandyrylǵan sýarý júıesin salý jumystary aıaqtalady.
Beınemonıtorıng júıesin keńeıtý jobasy boıynsha bıylǵy jyldyń sońyna deıin sizderdiń aýdanda 900 jańa beınekamera ornatý josparlanýda, onyń ishinde aýlalarda - 565, kóshe qıylystarynda – 295, saıabaqtar men skverlerde - 40 kamera qoıylady.