Jetisý aýdanynyń mektepterindegi oqýshy oryndarynyń tapshylyǵyna qatysty jaǵdaı salystyrmaly túrde qolaıly
Búgingi tańda tapshylyq shamamen 3000 oryndy quraıdy.
Bul týraly Almaty ákimi Erbolat Dosaev Jetisý aýdany turǵyndarymen ótken kezdesýde aıtty, dep habarlaıdy Almaty-akshamy.kz.
«Halyq sanynyń ósýi men aýdandaǵy turǵyn úı qurylysynyń qarqynyn eskere otyryp, biz bıyl «Jaıly mektep» ulttyq jobasy sheńberinde Boraldaı kóshesinde 1200 oryndyq bir jańa mekteptiń qurylysyn bastaýdy josparlap otyrmyz. Sondaı-aq 148, 103 jáne 112 mektepterge 750 oryndyq qosymsha qurylys salý jumystary júrip jatyr», - dedi Almaty ákimi Erbolat Dosaev.
148-shi mektepke 300 oryndyq qosymsha ǵımarattyń qurylys-montajdaý jumystary júrgizilýde, 2023 jyldyń III toqsanynda aıaqtaý josparlanýda.
103-shi mektepke 200 oryndyq (merdiger - Global Construction) jáne 112-shi mektepke 250 oryndyq qosymsha ǵımarattardyń qurylys-montajdaý jumystary boıynsha (merdiger - Sheber Building) merdiger uıymdar anyqtaldy. Osy eki mektep boıynsha qurylys jumystaryn bıyl maýsym aıynda bastap, 2024 jyldyń I toqsanynda aıaqtaý josparlanýda.
Bunymen qatar bıyl maýsym aıynda Aınabulaq shaǵyn aýdanyndaǵy 160 oryndyq balabaqshanyń qurylysy aıaqtalady.