Qazaq kınosynyń aıasy keńeıdi
Álemniń alpaýyt kınokompanıalary Qazaqstanda kıno túsiredi, dep habarlaıdy Almaty-akshamy.kz.
Qazaqstannyń tartymdy kelbeti álemdik blokbasterlerde! Tanymal shetel kompanıalary elimizdiń aýmaǵynda kıno túsirýge nıettenip otyr.
Osy jyldyń basynda Fransıa jáne Reseı elderi syndy kınoóndiris salasynyń maıtalmandarynan ótinishter kelip túsken.
Bul jóninde Ulttyq kınony qoldaý memlekettik ortalyǵynan habarlady. Uıymnyń bas prodúseri Adaı Ábildınovtiń aıtýynsha, bundaı kelisimder buǵan deıin de jasalǵan. Olardy júzege asyrýǵa pandemıa kedergi keltirgen.
«2019 jyly kıno ortalyq pen sheteldik kompanıalar birqatar kelisóz júrgizdi. Amerıkalyq «NBC Universal», «Warner Brothers», «Discovery», «Global Film» syndy kompanıalar Qazaqstan aýmaǵyndaǵy lokasıalarǵa qyzyǵýshylyq tanytty. Árıne, munyń bári pandemıaǵa deıin bolǵan edi, tipti bizdiń lokasıalarda túsirý boıynsha birqatar kelisim jasalǵan», - dedi Ulttyq kınony qoldaý memlekettik ortalyǵynyń bas prodúseri Adaı Ábildınov.