Ol Izraıldiń eki dúrkin chempıony, el kýbogy jáne Sýperekýbogynyń ıegeri
Fýtboldan Izraıl qurama komandasynyń qorǵaýshysy Ofrı Arad jyl sońyna deıin «Qaırat» fýtbol klýbynda oınaıtyn boldy, dep habarlaıdy Almaty-akshamy.kz.
«Qaırat» fýtbol klýbynyń baspasóz qyzmetiniń habarlaýynsha, Izraıl quramasynyń qorǵaýshysy Ofrı Arad bıyl jyl sońyna deıin jalǵa alý quqyǵymen «Qaırat» fýtbol klýbynda oınaıtyn boldy.
«Ofrı Arad – jasy 24-te, ortalyq qorǵaýshy, Izraıldiń eki dúrkin chempıony, el kýbogy jáne Sýperekýbogynyń ıegeri. Eýrododalardyń tájirıbesine ıe. 2021-2022 jyldardaǵy maýsymda Arad nıderlandtyq «Feıenford», germanıalyq «Ýnıon», chehıalyq «Slavıaǵa» qarsy oınap, óz komandasyn ÝEFA konferensıalar lıgasynyń toptyq kezeńine shyǵarýǵa kómektesti», - delinedi «Qaırat» FK habarlamasynda.
Aıta keteıik, 2020 jyly Ofrı Arad Izraıl quramasynda debút jasap, búgingi kúnge deıin qurama sapynda 8 mach ótkizgen.