Izraıl áskeri Qatar astanasy Dohada ornalasqan HAMAS uıymynyń boljamdy shtabyna soqqy jasady, dep habarlaıdy Aqshamnews.kz tilshisi Minval.az-qa silteme jasap.
Aldyn ala derekterge súıensek, uıymnyń joǵary basshylyǵyndaǵy birneshe sheneýnik qaza tapqan. Izraıldik BAQ-tyń habarlaýynsha, olardyń arasynda top-menedjerleri de bar. Jýrnalıs Amıt Segaldyń dereginshe, qaza tapqandar AQSH-pen kelissóz júrgizgen delegasıa músheleri bolǵan.
Áýe soqqylary Izraıl ÁÁK ushaqtarymen jasalǵan. Al Izraıl armıasy (SAHAL) Telegram-arnasynda shabýyldy rastady.
Málimdemede nysanaǵa HAMAS-tyń 2023 jylǵy 7 qazanda Izraılge jasalǵan shabýylǵa qatysy bar basshylary alynǵany aıtyldy. Sondaı-aq, beıbit turǵyndarǵa zıan keltirmeý úshin joǵary dáldiktegi qarý qoldanylyp, qosymsha barlaý derekteri paıdalanylǵany atap ótildi.
Qatar bıligi bul áýe soqqysyn qatań aıyptady.