El boıynsha izdeýde júrgen 219 qylmysker ustaldy. Bul týraly İshki ister mınıstrliginiń brıfıńinde aıtyldy.
Sonymen qatar tyıym salynǵan zattardy zańsyz saqtaǵan 557 adamnyń áreketi áshkere boldy, dep habarlaıdy almaty-akshamy.kz 24.kz-ke silteme jasap. Bul zań buzýshylyqtar sońǵy 10 kún boıy elimizde júrgizilgen «Quqyqtyq tártip» jedel aldyn alý sharasy barysynda anyqtaldy. Profılaktıkalyq jumystar aıasynda 2657 qylmystiń izi sýymaı ashyldy. Sondaı-aq kisi óltirý birqatar qaraqshylyq, urlyq-qarlyqtyń joly kesildi.
Almasqan Sadyhanov, QR İİM ákimshilik polısıa komıtetiniń aǵa ınspektory: - Zańnamany buzý faktilerin anyqtaý úshin saıajaı alaptaryn, qurylys obektilerin, bazarlardy, sharýa qojalyqtaryn, jaldamaly páterlerdi, shalǵaıdaǵy jáne ózge de kúmándi oryndardy, úı-jaılardy aralaý júzege asyryldy. Budan basqa 181,5 myń ákimshilik anyqtaldy. Quqyq buzýshylyqtar, onyń ishinde qoǵamdyq tártipti qorǵaý boıynsha 92,5 myń, jol qaýipsizdigi boıynsha 88,9 myń anyqtaldy.