Dáriger ólimi
Bul týraly Ortalyq komýnıkasıalar qyzmetiniń alańynda ótken baspasóz máslıhatynda Densaýlyq saqtaý mınıstri Ajar Ǵınıat málimdedi, dep habarlaıdy Almaty-akshamy.kz Baq.kz-ke silteme jasap.
«Dál qazir tergeý jumystary júrgizilip jatqanyn bilemin. Tergeý barysy týraly aqparattar joq. Sebebi tergeý-tekseri áli aıaqtalǵan joq, ony quqyq qorǵaý organdary júrgizýde. Dárigerdiń áriptesterimen áńgimelestik. Pasıent úsh ret qabyldaýda bolǵan. Asqazan-ishek joldaryn tekseretin prosedýrany jasatqysy kelgen. İshektiń tarylýy saldarynan birinshi prosedýra sátsiz bolyp, dáriger taǵy da jasaýǵa keńes bergen. Dáriger Iýrıı Shýmkovtyń áriptesteri onyń pasıentpen janjaldaspaǵanyn aıtty. Sol úshin tergeý nátıjesin kúteıik. Jantúrshigerlik kisi óliminiń sebebin biletin bolamyz», - dedi mınıstr.
Buǵan deıin vedomstvo basshysy dárigerlerdiń quqyǵyn qorǵaıtyn zań jobasy ázirlengenin, osy aıda Parlament Májilisiniń qaraýyna jiberiletinin aıtqan bolatyn. Atalǵan zań jobasy boıynsha medısına qyzmetkerleriniń kásibı jaýapkershiligin saqtandyrý júıesin engizýdi qamtamasyz etiledi.
Eske sala keteıik, 4 sáýir kúni Almatyda jantúrshigerlik qylmys oryn alyp, dáriger Iýrıı Shýmkov emdelýshi ańshy myltyǵymen atyp tastaǵan bolatyn.