Ol 10 maýsymda Tótenshe jaǵdaılar mınıstri qyzmetinen bosatyldy.
Tótenshe jaǵdaılar mınıstrliginiń burynǵy basshysy Iýrıı Ilınge qatysty tekserý júrgiziledi
İshki ister mınıstri Marat Ahmetjanov Abaı oblysyndaǵy órtke qatysty tergeý úsh nusqany qarastyryp jatqanyn aıtty7
Buqaralyq aqparat quraldary ókilderi mınıstrden bılik qaı nusqaǵa kóbirek mán berip otyrǵanyn surady.
"Tergeý júrip jatyr, ádeıi órt qoıý nusqasy bar. İsti arnaıy prokýrorlar qaraıdy. Bul topta İshki ister mınıstrliginiń qyzmetkerleri bar, kóremiz. Ádeıi órt qoıý, nemquraılyq, naızaǵaı túsý nusqalary bar. Saraptamalyq jáne izdestirý sharalary júrgiziledi. Tergeýge eki aı ýaqyt berildi", – dep jaýap berdi Marat Ahmetjanov.
BAQ ókilderi "Tótenshe jaǵdaılar mınıstrliginiń burynǵy basshysy Iýrıı Ilınge qatysty jeke is nemese tekserý júrgizilip jatqan joq pa?" dep surady.
"Prezıdent Bas prokýrorǵa tapsyrma berdi, sonyń aıasynda tekserý júrgiziledi. Órt faktisiniń ózi tótenshe jaǵdaı, adamdar qaıtys boldy, sondyqtan qylmystyq is aıasynda tekserý bolady. Nege der kezinde shara qoldanbaǵan, nemquraılylyq bolýy múmkin. Qyzmettik mindetterin oryndamaý", – dedi ol.