Almatyda polısıa mopedterdi turǵan ornynda tirkeýde, - dep habarlaıdy aqshamnews.kz Polisia.kz-ke silteme jasap.
Almaty qalasynda mopedterdi tirkeý jumystary belsendi túrde jalǵasyp jatyr. Búgingi kúnge deıin osy sanattaǵy kólik quraldarynyń 15 myńǵa jýyǵy tirkelgen. Qalalyq polısıa qyzmetkerleri azamattardyń qolaılylyǵy úshin tirkeý jumystaryn kólikterdiń turaqty turaǵynda, sondaı-aq satý oryndarynda da júrgizýde. Bul tásil moped ıelerine kólikterin qysqa merzimde ári yńǵaıly túrde zańdastyrýǵa múmkindik beredi. Polısıa mopedti tirkeýsiz, arnaıy kýáliksiz, memlekettik nómirsiz jáne saqtandyrýsyz basqarý QR zańnamasyna sáıkes ákimshilik jaýapkershilikke ákep soǵatynyn eskertedi. Almaty qalasynyń aýmaǵynda "Zań jáne Tártip" jáne "Profılaktıka jyly" aıasynda jol qozǵalysy qaýipsizdigin qamtamasyz etý baǵytynda keshendi sharalar júrgizilýde.
"Mopedti tirkeý — jaı formaldylyq emes. Bul — jol qozǵalysyna qatysýshylardyń qaýipsizdigi men ózińizdiń azamattyq jaýapkershiligińiz. Barlyq kólik ıelerin kólikterin der kezinde tirkeýge shaqyramyz. Polısıa bul baǵyttaǵy baqylaý sharalaryn júıeli túrde jalǵastyrady", dedi Almaty qalalyq PD ákimshilik polısıa basqarmasy prosesıng ortalyǵynyń bastyǵy Aıdyn Merkimbaev.
Polısıa qyzmetkerleri tirkelmegen mopedpen júrý — zań buzýshylyq ekenin jáne ol úshin aıyppul salynatynyn, tipti kólik quraly tárkilenýi múmkin ekenin taǵy bir márte eske salady.