Mach asa tartysty ótip, úsh setke sozyldy
Qazaqstannyń ekinshi, álemniń 51-raketkasy Iýlıa Pýtınseva Rım WTA 1000 týrnıriniń ekinshi aınalymyna shyqty, dep habarlaıdy Almaty-akshamy.kz QazAqparatqa silteme jasap.
Qazaqstandyq sportshy alǵashqy aınalymda reıtıńide 76-orynda turǵan bolgarıalyq Vıktorıa Tomovamen sheberlik baıqasty.
Mach asa tartysty ótip, úsh setke sozyldy. Birinshi partıada taı-breıkte bolgarıalyq sportshy basymdylyq tanytty – 7:6 (7:5). Ekinshisinde Iýlıa ese qaıyrdy – 7:6 (7:3). Úshinshi, sheshýshi sette Pýtınseva bet qaratqan joq – 6:0.
Úsh saǵatqa jýyq ýaqytqa sozylǵan báseke barysynda Iý.Pýtınseva 2 eıs jasap, 18 breık-poınttyń 8-in paıdalandy. Qarsylasy 5 breıkten (14 breık-poınt) asa almady.
Iýlıa Pýtınseva úshinshi aınalymǵa shyǵý úshin álemniń 5-raketkasy, amerıkalyq Korı Gaýfpen talasady.
Qazaqstannyń birinshi, álemniń 6-raketkasy Elena Rybakına ekinshi aınalymda reıtıńte 65-satydaǵy ıtalıalyq Iasmın Paolınımen oınaıdy.
Eske sala keteıik, budan buryn tenısten álem chempıonaty irikteý týrnırinde Qazaqstan jasóspirimderi Aýstralıamen kezdesetinin jazǵan edik.
Sondaı-aq Aleksandr Býblık Rım masters týrnırin sátti bastady.