Pýtınseva 8 breık-poınttyń altaýyn paıdalana bildi
Qazaqstandyq, álemniń 61-raketkasy Iýlıa Pýtınseva Rabat (Marokko) WTA 250 týrnıriniń shırek fınalyna shyqty, dep habarlaıdy Almaty-akshamy.kz QazAqparatqa silteme jasap.
Qazaqstandyq tenısshi ekinshi aınalymda álemniń 129-raketkasy, fransıalyq Leolıa Janjanmen sheberlik baıqasty.
Birinshi partıada Iý.Pýtınseva qos breıkke qol jetkizdi - 6:2.
Ekinshi sette 5:0 esebimen alǵa ketip, machqa dop bergende, qarsylasy breık jasady. Degenmen Iýlıa básekeni taǵy bir breıkpen túıindedi - 6:1.
Bir saǵat 15 mınýtqa sozylǵan kezdesýde Iý.Pýtınseva 8 breık-poınttyń altaýyn paıdalana bildi.
Qazaqstandyq sportshy jartylaı fınalǵa shyǵý úshin álemniń 55-raketkasy, mysyrlyq Maıar Sherıf nemese reıtıńte 195-satydaǵy argentınalyq Iýlıa Rıeranyń bireýimen talasady.
Eske sala keteıik, budan buryn Tımofeı Skatovtyń Rolan Garros týrnıriniń irikteý saıysyn sátti bastaǵanyn jazǵan bolatynbyz.