Barlyq óńirde jel kúsheıedi
25 mamyr kúni atmosferalyq bólikterdiń ótýimen eldiń batysynda, soltústiginde, ońtústigi men ońtústik-shyǵysynda naızaǵaı oınap, jańbyr jaýady, dep habarlaıdy Almaty-akshamy.kz Qazgıdrometke silteme jasap.
Respýblıkanyń qalǵan aımaqtarynda soltústik antısıklon jotasynyń áserinen jaýyn-shashynsyz, ashyq kún raıy kútiledi. Barlyq óńirde jel kúsheıip, batys pen ońtústikte shańdy daýyl saqtalady.
Sondaı-aq Pavlodar oblysynyń basym bóliginde, Qyzylorda oblysynyń shyǵysynda, ortalyǵynda, Qaraǵandy oblysynyń shyǵysynda, Ulytaý oblysynyń ortalyǵynda, Qostanaı oblysynyń ońtústiginde, Atyraý oblysynyń ońtústiginde, shyǵysynda, Abaı oblysynyń soltústiginde tótenshe órt qaýpi saqtalady.