2023 jyly qaıta qurýdan keıin «Iýjnyı» qazandyǵy iske qosylyp, qýaty 41% - ǵa 190 Gkal/saǵ. deıin ulǵaıdy. Sonymen qatar, Esqaraev kóshesi men Gagarın dańǵylynda «Orbıta» qazandyǵymen jalǵasatyn 900 metr jylý jelisi qaıta quryldy. Bul týraly Almaty qalasynyń ákimi Erbolat Dosaev Bostandyq aýdany turǵyndarymen kezdesýinde málim etti, dep habarlaıdy almaty-akshamy.kz.
Osy jyldyń qyrkúıegine deıin Esqaraev kóshesiniń boıymen 660 metr jylý jelilerin qaıta qurý josparlanǵan.
Ótken jyly 3,5 shaqyrym sý qubyryn qaıta jańartý jumystary aıaqtalsa, bıyl 3,2 shaqyrym jeli qurylysyn aıaqtaý josparlanyp otyr.
Aýdannyń joǵarǵy bóliginde turatyn turǵyndardy sapaly aýyz sýmen qamtý úshin «Ermensaı» shaǵyn aýdanynda ónimdiligi táýligine 9 myń m3 sý jınaý qurylysyn salýǵa jobalaý-smetalyq qujattama ázirlenýde. Memlekettik saraptamasy osy jyldyń mamyr aıynda shyǵady dep kútip otyrmyz. Qurylys-montajdaý jumystarynyń boljamdy quny – 17 mlrd. teńge. Sonymen qatar, «Nurlytaý» shaǵyn aýdanynda sýmen qamtamasyz etý úshin 62 shaqyrym jáne sý burý úshin 34 shaqyrym jelilerin salýǵa jobalaý-smetalyq qujattama ázirlený ústinde. Bul qurylys jumystarynyń da memlekettik saraptamasy mamyr aıynda shyǵady dep boljap otyrmyz. Josparlanǵan jumystyń boljamdy quny – 14 mlrd. teńge, dedi qala ákimi.
Osy jyly jalpy sýmmasy 7 mlrd. teńge bolatyn jalpy uzyndyǵy 7,5 shaqyrym ınjenerlik jelilerdi qaıta jańartý josparlanyp otyr. Onyń ishinde 500 metr káriz, 5,3 shaqyrym jylý jelileri jáne 1,7 shaqyrym ortasha qysymdy jerasty gaz qubyry.