Astananyń shetinde ornalasqan janýarlardy ýaqytsha ustaý ızolátorynda daý shyqty, dep habarlaıdy almaty-akshamy.kz 24KZ-ke silteme jasap.
Sebebi ondaǵy ıtterge jaǵdaı jasalmaǵan. Azýlylar ábden ashyqqan. Ol azdaı munda maman tapshy eken. Osydan jaǵdaı ýshyqqan. Itterdiń máselesi boıynsha eriktiler birneshe ret depýtattarǵa shaǵymdanypty. Soǵan sáıkes búgin senatorlar «Stopotlov» bazasyna baryp, jaǵdaıdy óz kózderimen kórip qaıtty. Bul nysan negizi 300 orynǵa shaqtalǵan, biraq munda dál qazir 3000-nan asa ıt bar. Taǵy kún saıyn 35-40 ıtten qosylady eken. Oryn jetispeýshiliginen azýlylar dala kezip, qańǵyp júr. Tipti kórshiles mańdaǵy turǵyndarǵa shabýyl jasaıtyn bolypty.
Bıbigúl Jeksenbaı, QR Parlamenti Senatynyń depýtaty: - Mundaı oryndarda ıtterge qaraýǵa múmkindik joq bolsa, onda olardy bir jerge úıip-tógýdiń qanshalyqty qajeti bar? Barynsha ustaý ýaqytyn, merzimin qysqartý kerek. Ekinshiden, chıpteý kerek jáne ár ıttiń ıesin tabý, ıdentıfıkasıalaý kerek. Osy baǵytta zań qarastyramyz.