Prokýratýra organdary Memleket basshysynyń tapsyrmasyna sáıkes mańyzdy ınvestısıalyq jobalardy súıemeldeý boıynsha jumysty jalǵastyrýda, dep habarlaıdy Almaty-akshamy.kz.
Bas prokýratýranyń baspasóz qyzmetiniń málimetinshe, problemalardy tıimdi sheshý, ınvestorlardyń quqyqtary men zańmen qorǵalatyn múddelerin qalpyna keltirý bolyp tabylatyn basty mindet qadaǵalaý qyzmetiniń basym baǵyttarynyń biri.
Bas prokýratýra men «Kazakh Invest» UK» AQ (Task Force) birlesken jumysy sheńberinde 2018 jyldan bastap Pavlodar munaı-hımıa zaýytynda sýtekterdi óndirý jónindegi jobalardy iske asyratyn «Air Liquide» fransýz ınvestorynyń problemasy anyqtaldy.
Atalǵan fransýz kompanıasy ónerkásip, densaýlyq saqtaý jáne ekologıa úshin gaz óndirýde álemdik kóshbasshy bolyp tabylady.
Pavlodar oblysynyń salyq organdary ınvestordyń atyna 99,8 mln teńge somasyna QQS jáne kedendik baj tóleý týraly habarlamany zańsyz engizgen. Investorǵa ımporttalatyn taýardyń jiktelýin durys anyqtamaǵan.
Prokýratýranyń qadaǵalaý aktisi boıynsha 3 kún ishinde habarlama joıyldy.
Jol berilgen buzýshylyq úshin Pavlodar oblysy Memlekettik kirister departamentiniń laýazymdy tulǵasy tártiptik jaýapkershilikke tartyldy.
Jalpy, búginde prokýrorlar ınvestorlardyń 85 problemalyq keısin sheshti.
Bul jumys jalǵasýda jáne Bas prokýratýra basshylyǵynyń erekshe baqylaýynda.