Bul týraly Sanıtarıalyq-epıdemıologıalyq baqylaý komıteti tóraǵasynyń orynbasary Zaýre Ahmetova aıtty.
Qutyrý – ortalyq júıke júıesin zaqymdaıtyn vırýstyq aýrý. Adamdardaǵy qutyrma aýrýynyń 99 paıyzy ıtter arqyly juǵady. Qutyrý aýrýynyń qurbandary kóbine 5 jastan 14 jasqa deıingi balalar. Klınıkalyq sımptomdar satysynda qutyrý aýrýynyń ólimi – 100 paıyz, dep habarlaıdy aqshamnews.kz.
"Bıyl respýblıka boıynsha adamdar arasynda qutyrma aýrýy tirkelgen joq. Biraq 2019-2022 jyldar aralyǵynda qutyrma aýrýynan 6 jaǵdaı tirkeldi. Onyń ishinde 3 bala aýyrǵan. Qutyrma aýrýyna janýarlardyń qaýyp alǵany sebep bolǵan. Barlyq jaǵdaıda naýqastar medısınalyq kómekke sımptomdar paıda bolǵannan keıin ǵana júgingen. Barlyq naýqas qutyrma aýrýynan qaıtys boldy", - dedi Zaýre Ahmetova.
Sanıtarıalyq-epıdemıologıalyq baqylaý komıteti tóraǵasynyń orynbasary jyl saıyn respýblıka boıynsha 50 myńnan astam adam janýarlardyń tistep alǵanynan medısınalyq kómekke júginetinin aıtty. Onyń 99 paıyzy profılaktıkalyq vaksınasıa alady, al 1 paıyzy odan bas tartady.
2024 jyly 10 aıda medısınalyq kómekke júgingen adamdar sany – 44 266. Onyń ishinde 32 345 adamdy ıt qaýyp alǵan. Medısınalyq kómekke júgingender arasynda 14 jasqa deıingi balalardyń sany – 17 078, - dep aıtty ol.
Búgin Májilistiń Ekologıa máseleleri jáne tabıǵatty paıdalaný komıteti janýarlarǵa jaýapkershilikpen qaraý týraly zań jobasy boıynsha dóńgelek ústel ótkizip jatyr.