38 adam qamaýǵa alynǵan.
Italıanyń Trıest qalasyndaǵy qarjy polısıasy men mafıaǵa qarsy kúres toby 4,3 tonnalyq kokaın tárkiledi, dep habarlaıdy Almaty-akshamy.kz Eurointegration.com silteme jasap.
Tártip saqshylary kokaınnen bólek 1,8 mıllıon eýro aqsha men birneshe kólikti de tárkiledi.
Sondaı-aq bul esirtkini Kolýmbıadan Eýropaǵa tasymaldaýǵa qatysy bar degen 38 adam ustaldy. Tizbektiń músheleri Italıa, Slovenıa, Horvatıa, Nıderlandy, Bolgarıa jáne Kolýmbıada bolýy yqtımal.
Boljam boıynsha, tárkilengen esirtkiniń quny qylmystyq toptarǵa kóterme satý úshin 96 mıllıon eýroǵa baǵalanady, al sońǵy tutynýshyǵa bólshek saýdada satylǵan jaǵdaıda ol 240 mıllıon eýroǵa deıin jetýi múmkin.
Esirtki men tizbek músheleriniń sátti ustalýymen aıaqtalǵan tergeý Kolýmbıa men AQSH-tyń quqyq qorǵaý organdarymen birlesip bir jyldan astam ýaqyt buryn bastalǵan.