Paralımpıadalyq júzýden álem kýboginde Qazaqstan quramasy tamasha óner kórsetti
Qazaqstan quramasy 4 altyn, 5 kúmis jáne 3 qola medal enshiledi, dep habarlaıdy Almaty-akshamy.kz
Qazaqstandyq paralımpıadashylar álemniń 38 elinen kelgen 300 sportshy arasyndaǵy jarysta úzdikterdiń qatarynan kórindi. Álem kýbogyna Italıanyń Lınáno-Sabbádoro qalasyna Qazaqstannan 9 júzýshi attandy.
Eki «altyn» jáne eki «kúmisti» Andreı Afanasev jeńip aldy. Sıazbek Dalıev pen Natalá Zvágınseva úsh medal ıelense, Dıas Kenjebek pen Kırıll Ilúkevıch eki márte júldeger atandy. Qazaqstan quramasynyń qorjynyna bir marapattan Sergeı Kın men Alına Dýbınına medal qosty.
Sportshylardyń barlyq nátıjeleri Halyqaralyq paralımpıada komıtetiniń 2022 jylǵy álemdik reıtıńine engizilmek. Dárejeler týraly álemdik tabelderdiń negizinde 2024 jyly Parıjde ótetin jazǵy Paralımpıada oıyndaryna qatysýshylardyń tizimi qalyptastyrylady, al qazir, 2022 jyly, maýsym aıynda Portýgalıada ótetin paralımpıadalyq júzý boıynsha álem chempıonatyna jáne qazan aıynda Qytaıda ótetin jazǵy Azıadaǵa normatıvter boıynsha irikteý júrgiziledi. Sportshylar osy jarystarǵa belsendi daıyndalýda.