Qatty ystyq áýrege salýda.
Italıada aptap ystyq saldarynan qaýiptiliktiń qyzyl deńgeıi jarıalandy, dep habarlaıdy Almaty-akshamy.kz Habar 24 saıtyna silteme jasap.
Kún raıyn boljaýshy mamandar eń ystyq kún bolýda dep boljaıdy. Osyǵan oraı eldiń 15 shaharynda mamandardyń daıyndyǵy joǵarǵy deńgeıde bolmaq.
Rımde úshinshi kún qatarymen kún janyp tur. Aýa temperatýrasy 38 gradýstan asady. Al, Italıanyń 4 óńirinde orman órti des bermeı tur. Tilsiz jaýdan 3 adam mert bolǵany belgili. Orman órti Aljırde de yryq berer emes. Órt jalmaǵan eldi meken turǵyndary jalynmen arpalysyp sharshady. Halyqtyń otty óshirý úshin arnaıy tehnıkasy joq. Aqparat kózderiniń habarlaýynsha, apat 69 adamnyń ómirin qıdy.
Jergilikti bılik eldiń soltústiginde órshigen órtti aýyzdyqtaý úshin áskerılerdi tartyp jatyr. Al, Tızı-Ýzý provınsıasyndaǵy Ibýdren aýylynyń turǵyndary atalǵan kómektiń áli de jetpegenin aıtyp shaǵymdanady.