Bul týraly Qazaqstan standarttaý jáne metrologıa ınstıtýty baspasóz qyzmetinen málim boldy, dep habarlaıdy Almaty-akshamy.kz QazAqparatqa silteme jasap.
«Iesi joq janýarlarǵa qatysty kúrdeli máseleler qoǵamnyń jiti nazary men jedel áreketin qajet etedi. Bul turǵyda Qazaqstan standarttaý jáne metrologıa ınstıtýty buralqy ıtterdi aýlaý jáne tasymaldaý prosesin retteýge, sondaı-aq ıesiz ıt pen mysyqtardy kútip ustaýǵa ári olarǵa emdeýge baǵyttalǵan tıisti standart jobasyn ázirledi», - delingen atalǵan ınstıtýt málimetinde.
Endi bul standart kelisýden ótý kerek. Iaǵnı, qoǵamnan tıisti usynystar bolsa, olar atalǵan standartqa engizilmek. Osydan keıin ony jyl sońyna deıin bekitý josparlanyp otyr.
«Jańa standartqa sáıkes, endi qaraýsyz júrgen ıt-mysyqty aýlaıtyn qyzmetter bul prosestiń ár kezeńin vıdeoǵa nemese fotoǵa túsirýge mindetti bolady. Bul qadamdar buralqy ıtterge qatysty qatygezdik jaǵdaılaryna jol bermeýge baǵyttalǵan. Aýlaý barysynda olardy óltirýge, sondaı-aq qaýipti bolatyn ýlanǵan azyq túrlerin paıdalanýǵa tyıym salynady. Sonymen qatar, standar aıasynda ıesiz júrgen ıt-mysyqtardy aýlaý jáne tasymaldaý kezinde qoldanylatyn preparattarǵa, qurylǵylar men mehanızmderge qoıylatyn qatań talaptardy belgileıdi», - dep atalyp ótken ınstıtýt aqparatynda.
Sonymen qatar, tasymaıtyn avtokólikterdiń bólek torlarmen, jeldetý júıesimen jabdyqtalýy tıis.