Qazaqstandyq tenısshiler Tımofeı Skatov pen Mıhaıl Kýkýshkın Sevılá (Ispanıa) chellendjer týrnıriniń ekinshi aınalymynda ózara kezdesedi, dep habarlaıdy Almaty-akshamy.kz.
Álemniń 129-ynshy, osy jarystyń 6-raketkasy T.Skatov bastapqy kezdesýinde dúnıejúzilik reıtıńte 269-orynda turǵan Polsha ókili Danıel Mıhalskıden 6:1, 5:7, 6:3 esebimen basym tústi.
Álemniń 242-raketkasy Mıhaıl Kýkýshkın reıtıńte 741-satydaǵy ıspanıalyq, 21 jastaǵy Dıego Aýgýsto Barreto Sanchespen sheberlikterin synady. Munda qazaqstandyq tenısshi qarsylasyn 6:4, 6:4 esebimen tize búktirdi. Eki saǵattan astam ýaqytqa sozylǵan báseke barysynda M.Kýkýshkın 3 eıs jasap, 14 breık-poınttyń beseýin paıdalandy.
Endi Tımofeı Skatov pen Mıhaıl Kýkýshkınniń qaı jeńgeni shırek fınalǵa shyǵady.