Irlandıada túngi klýbtar jabyldy, merekede álem boıynsha áýe reısteri qysqardy
Qazaqstanda koronavırýstyń taralýyna jol bermeý jónindegi vedomstvoaralyq komısıa álemdegi epıdemıologıalyq ahýalǵa sholý jasady, dep habarlaıdy Almaty-akshamy.kz
Koronavırýstyń jańa shekteýleri Soltústik Irlandıa, Ýels jáne Shotlandıada kúshine endi. Birikken Koróldiktiń úsh ákimshilik-saıası bóliminiń bıligi túngi klýbtardyń jumysyna tyıym salyp, buqaralyq is-sharalardy ótkizý erejelerin edáýir qatańdatý týraly sheshim qabyldady.
Álemdegi avıakompanıalar rojdestvo merekeci kezinde shamamen 5,7 myń reısti toqtatty. AQSH-ta tasymaldaýshylar Rojdestvo qarsańynda, Rojdestvoda jáne merekeden keıingi kúni reıs sanyn 1,7 myńǵa qysqartty.
Bul shekteýler el ishindegi reısterge de, halyqaralyq baǵyttarǵa da qatysty. Fransıada táýligine koronavırýstyń 100 myńnan astam jaǵdaıy anyqtaldy. Fransıanyń sanıtarıalyq bıligi elde kúnine 105 myńǵa jýyq ınfeksıa jaǵdaıyn tirkedi, bul pandemıa bastalǵannan beri antırekordqa aınaldy.
Covid-19 taralýynyń rekordtyq qarqyny birneshe kún qatarynan baıqaldy.