Aýyl sharýashylyǵy janýarlarynyń jekelegen túrlerin áketýge sandyq shekteý men tyıym salý engizildi, dep habarlaıdy Almaty-akshamy.kz Memlekettik kirister komıtetine silteme jasap
23 maýsymnan bastap «Aýyl sharýashylyǵy janýarlaryn Qazaqstan Respýblıkasynyń aýmaǵynan áketýdiń keıbir máseleleri týraly» Aýyl sharýashylyǵy mınıstriniń 2023 jylǵy 5 maýsymdaǵy buıryǵymen 60 000 bas buqashyq mólsherinde tiri iri qara maldy, 120 000 bas mólsherinde tiri qoı jáne eshkini el aýmaǵynan áketýge sandyq shekteýler engiziledi.
«Osy buıryqqa sáıkes buqashyqtar men qoı-eshkilerdi el aýmaǵynan áketý Aýyl sharýashylyǵy mınıstriniń 2015 jylǵy 21 mamyrdaǵy buıryǵymen bekitilgen veterınarıalyq qujattardy berý qaǵıdalaryna jáne olardyń blankilerine qoıylatyn talaptarǵa sáıkes berilgen veterınarıalyq sertıfıkat bolǵan kezde ǵana júzege asyrylatyn bolady. Sonymen qatar 2023 jylǵy 30 maýsymnan bastap «Aýyl sharýashylyǵy janýarlaryn áketýdiń keıbir máseleleri týraly» Aýyl sharýashylyǵy mınıstriniń 2023 jylǵy 9 maýsymdaǵy jáne Premer-Mınıstrdiń orynbasary – Qarjy mınıstriniń 2023 jylǵy 12 maýsymdaǵy birlesken buıryǵymen iri qara jáne usaq maldy el aýmaǵynan áketýge tyıym salynady», - delingen vedomstvo habarlamasynda.